مينيستر وقۋشىلار توبەلەسىنە قاتىستى ۆەدومستۆوارالىق كوميسسيانىڭ وتىرىسىن وتكىزەدى
دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.
«سوڭعى ۋاقىتتا ەلىمىزدىڭ ءبىرقاتار ايماقتارىندا ءبىلىم بەرۋ ۇيىمدارىنىڭ قابىرعالارىندا دا، ودان تىس جەرلەردە دە وقۋشىلار اراسىندا توپتىق توبەلەس، ۇرىپ- سوعۋ جانە قورلاۋ جاعدايلارى جيىلەپ كەتتى. وكىنىشكە وراي، وسىنداي جاعدايلاردىڭ سالدارىنان اقتوبە وبلىسىندا بالا قازا بولدى. وڭىرلەر بويىنشا 2017 -جىلمەن سالىستىرعاندا كامەلەتكە تولماعاندارمەن جاسالعان قىلمىستاردىڭ سانى اتىراۋ وبلىسىندا % 39,6- عا، الماتى قالاسىندا 33,5 پايىزعا، قىزىلوردا، ماڭعىستاۋ وبلىستارىندا جانە استانا قالاسىندا 18 پايىزعا، اقمولا جانە اقتوبە وبلىستارىندا 11 پايىزعا، تۇركىستان وبلىسىندا 7,8 پايىزعا وسكەنى بايقالادى»، - دەلىنگەن حابارلامادا.
ق ر ىشكى ىستەر مينيسترلىگىنىڭ اقپاراتى بويىنشا 2018 -جىلى جاسوسپىرىمدەردىڭ قاتىسۋىمەن قۇقىققا قارسى ءىس- ارەكەتتەر جاساۋ فاكتىلەرى تۋرالى قۇقىق قورعاۋ ورگاندارىنان جاسىرعانى نەمەسە دەر كەزىندە حابارلاماعانى ءۇشىن ءبىلىم بەرۋ ۇيىمدارىنىڭ 170-تەن استام قىزمەتكەرى اكىمشىلىك جاۋاپكەرشىلىككە تارتىلدى.
ب ع م باسپا ءسوز قىزمەتىنىڭ مالىمدەۋىنشە، كەيبىر مەكتەپ اكىمشىلىكتەرى وقۋشىلار اراسىنداعى جاعدايدى باسقارا المايدى نەمەسە جالعان يگىلىكتەردى ساقتاۋ ماقساتىندا ولاردى قاساقانا جاسىرىپ وتىرادى.
«قالىپتاسقان جاعداي بالالار اراسىنداعى قىلمىستىڭ الدىن الۋ بويىنشا قوسىمشا شارالار قابىلداۋدى تالاپ ەتەدى.
وسىعان بايلانىستى 2019 -جىلعى 31 - قاڭتاردا ساعات 15.00-دە ق ر ءبىلىم جانە عىلىم ءمينيسترى ە. ق. ساعاديەۆتىڭ توراعالىعىمەن وڭىرلەردى قوسۋ ارقىلى بەينەكونفەرەنس بايلانىس رەجيمىندە قازاقستان رەسپۋبليكاسى ۇكىمەتىنىڭ جانىنداعى كامەلەتكە تولماعانداردىڭ ءىسى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيانىڭ كەزەكتەن تىس وتىرىسىن وتكىزۋ جوسپارلانۋدا»، - دەلىنگەن باسپا ءسوز حابارلاماسىندا.
ۆ ا ك وتىرىسىنىڭ جۇمىسىنا قازاقستان رەسپۋبليكاسى پارلامەنتى سەناتىنىڭ دەپۋتاتى، قازاقستان رەسپۋبليكاسىنىڭ بالا قۇقىقتارى جونىندەگى ۋاكىل ساۋلە ايتپايەۆا، ورتالىق مەملەكەتتىك جانە جەرگىلىكتى اتقارۋشى ورگانداردىڭ باسشىلارى، ق ر پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيا حاتشىلىعىنىڭ، ادام قۇقىقتارى جونىندەگى ۇلتتىق ورتالىقتىڭ جانە ۇكىمەتتىك ەمەس ۇيىمداردىڭ وكىلدەرى قاتىسادى.
ۆ ا ك وتىرىسىنىڭ قورىتىندىسى بويىنشا كامەلەتكە تولماعاندار اراسىنداعى قۇقىق بۇزۋشىلىقتاردىڭ پروفيلاكتيكاسى بويىنشا ورتالىق جانە جەرگىلىكتى اتقارۋشى ورگانداردىڭ قىزمەتىن كۇشەيتۋگە باعىتتالعان ۇسىنىستار ازىرلەنەتىن بولادى.