«مەملەكەت باسشىسىنىڭ وكىمىمەن الەكسەي دميترييەۆيچ كالايچيدي قازاقستان رەسپۋبليكاسى ىشكى ىستەر ءمينيسترىنىڭ ورىنباسارى بولىپ تاعايىندالدى، ول قازاقستان رەسپۋبليكاسى پرەزيدەنتى اكىمشىلىگىنىڭ قۇقىق قورعاۋ جۇيەسى ءبولىمىنىڭ مەڭگەرۋشىسى قىزمەتىنەن بوساتىلدى»، - دەلىنگەن حابارلامادا.
ەسكە سالا كەتسەك، بەرىك بيسەنقۇلوۆ ق ر ىشكى ىستەر ءمينيسترىنىڭ ورىنباسارى قىزمەتىنەن بوساتىلعان بولاتىن.
الەكسەي كالايچيدي 1963 -جىلى 3 -قاڭتاردا تۋعان، ۇلتى گرەك.
1985 -جىلى - فرۋنزە پوليتەحنيكالىق ينستيتۋتىن، 1990 -جىلى - ك س ر و ءى ءى م جوعارعى كۋرستارىن، 2008 -جىلى - ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن.
ەڭبەك جولىن 1985 -جىلى شىلدە ايىندا قىرعىز ك س ر توقماق ق. №93 -ارنايى باسقارمادا شەبەر رەتىندە باستاعان، سودان كەيىن شىمكەنت ق. «يۋجگورسەلپروەكت» مەملەكەتتىك جوبالىق ينستيتۋتىندا ينجەنەر بولىپ جۇمىس ىستەگەن.
ىشكى ىستەر ورگاندارىنداعى قىزمەتىن 1990 -جىلدىڭ ءساۋىر ايىنان باستاپ شىمكەنت وبلىسى اباي اۋداندىق ءى ءى ب قىلمىستىق ىزدەستىرۋ جەدەل ۋاكىلىنەن باستاعان. اكىمشىلىك پوليتسيا جۇيەسىندە لاۋازىمدىق باسپالداقتىڭ بارلىق جولدارىنان وتكەن: ينسپەكتور، ءبولىم باستىعى، باسقارما باستىعىنىڭ ورىنباسارى، وڭتۇستىك قازاقستان وبلىسى ءى ءى د جانە ءى ءى م ورتالىق اپپاراتىندا باسقارما باستىعى.
2005-2006 -جىلدارى ءى ءى م زاڭ قىزمەتىنە، سونداي-اق جەكە قۇرام بويىنشا ينسپەكسياعا باسشىلىق جاساعان.
2006 -جىلدىڭ قاراشا ايىنان 2008 -جىلدىڭ ناۋرىز ايى ارالىعىندا جامبىل وبلىسى ءى ءى د باستىعىنىڭ تاربيە جانە كادر جۇمىسى جونىندەگى ورىنباسارى بولىپ قىزمەت اتقارعان.
2008 -جىلدان باستاپ پرەزيدەنت اكىمشىلىگىندە جۇمىس ىستەدى: ينسپەكتور، سەكتور مەڭگەرۋشىسى، قۇقىق قورعاۋ جۇيەسى ءبولىمى مەڭگەرۋشىسىنىڭ ورىنباسارى.
سوڭعى تاعايىندالۋعا شەيىن 2016 -جىلدىڭ ماۋسىم ايىنان باستاپ مەملەكەت باسشىسىنىڭ وكىمىمەن قۇقىق قورعاۋ جۇيەسى ءبولىمىنىڭ مەڭگەرۋشىسى بولىپ قىزمەت اتقاردى.
«قۇرمەت» (2012 -جىل) وردەنىمەن جانە 5 مەرەكەلىك مەدالمەن ماراپاتتالعان.
ۇيلەنگەن، ەكى بالاسى جانە نەمەرەسى بار.