نۇرسۇلتان نازاربايەۆ ۇكىمەت پەن اكىمدەردىڭ جۇمىستارىنا باعا بەردى

استانا. قازاقپارات - ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ وتكەن جىلى اتقارىلعان جۇمىستارعا وڭ باعا بەردى، دەپ حابارلايدى قازاقپارات ءتىلشىسى.

«وتكەن جىلى ۇكىمەت، ۇلتتىق بانك، بارلىق اكىمشىلىكتەر ۇلكەن جۇمىستار ىستەپ، جالپى ەكونوميكانىڭ ءار سالاسىندا تابىستارعا جەتتى دەپ ايتىپ، وڭ باعا بەرۋگە بولادى. اۋقىمدى جۇمىستار اتقارىلعانى كورىنىپ تۇر. بارلىعى ايتىلدى، دەگەنمەن قايتالاۋعا دا بولادى. جالاقىنىڭ تومەنگى مولشەرى 1,5 ەسە ارتتى. وسى ايدىڭ ىشىندە بەلگىلى بولۋى كەرەك. 500 مىڭعا جۋىق ادام جۇمىسقا ورنالاستى. 113 مىڭ وتباسى جاڭا باسپاناعا يە بولدى. كاسىپكەرلىكپەن شۇعىلاندانۋعا بارىنشا قولايلى جاعداي جاساپ وتىرمىز. ياعني، ەكونوميكانىڭ نەگىزگى سەكتورلارى بويىنشا وتكەن جىلى جاقسى ناتيجەگە قول جەتكىزىلدى»، - دەدى نۇرسۇلتان نازاربايەۆ.

مەملەكەت باسشىسى قازىرگى ۋاقىتتا جاھاندىق ەكونوميكانىڭ بايالاۋى، الەمدىك ساۋدانىڭ قۇلدىراۋى بايقالىپ، سانكسيا سوعىستارىنىڭ جالعاسىپ وتىرعاندىعىن اتاپ ءوتتى.

«بۇل بىزگە دە اسەرىن تيگىزبەي قويمايدى. سەبەبى جاھاندىق ەكونوميكانىڭ قۇرامىندامىز. سوندىقتان ءبىزدىڭ مىندەتىمىز - ەكونوميكانىڭ قاجەتتى ءوسىم قارقىنىن قامتاماسىز ەتۋ، ەكونوميكالىق ءوسىمدى تومەندەتپەۋ ءۇشىن دامۋدىڭ ءتۇرلى سەناريلەرىنە دايىن بولۋ. سول ارقىلى عانا قازاقستاندىقتاردىڭ ءال-اۋقاتىن كوتەرە الامىز»، - دەدى نۇرسۇلتان نازاربايەۆ.