پرەزيدەنت وبلىس، اۋدان ىشىندەگى جولداردى سالۋدى تاپسىردى
بۇل تۋرالى بۇگىن ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
وتىرىستا ق ر يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك «نۇرلى جول» باعدارلاماسى اياسىندا ورتالىق-وڭتۇستىك، ورتالىق-باتىس، ورتالىق-شىعىس جولدارىنداعى قۇرىلىس جۇمىستارى 2020-جىلى تولىعىمەن اياقتالاتىندىعىن ايتقان ەدى. وسى رەتتە ەلباسى نۇرسۇلتان نازاربايەۆ «نۇرلى جول» باعدارلاماسى اياقتالعاننان كەيىن بىردەن وبلىس، اۋدان ىشىندەگى جولداردى سالۋعا ويىسۋ كەرەكتىگىن ەسكەرتتى.
«بۇل ەڭ باستى ماسەلە. ادامنىڭ ۇيىنە دەيىن جەتكەندى جول دەپ ەسەپتەيمىز. جالپى، جول ەلىمىز ءۇشىن، ەكونوميكامىز ءۇشىن وتە ماڭىزدى»، - دەدى ق ر پرەزيدەنتى.
جەڭىس قاسىمبەك ق ر پرەزيدەنتىنىڭ ءوڭىرارالىق ينفراقۇرىلىمدى جۇيەلى دامىتۋ تاپسىرماسىن ورىنداۋ ماقساتىندا وتكەن جىلدان باستاپ جەرگىلىكتى جول جەلىلەرىن جوندەۋدى قارجىلاندىرۋ تەپە-تەڭدىك نەگىزدە 2 ەسە ۇلعايتىلىپ، 150 ميلليارد تەڭگەگە دەيىن جەتكىزىلگەنىن ايتتى.
«2025-جىلعا قاراي جەرگىلىكتى جولداردىڭ 85 پايىزى جاقسى جانە قاناعاتتانارلىق جاعدايدا بولادى دەپ كۇتىلۋدە»، - دەدى مينيستر.
وبلىستارداعى تۇرعىن ءۇي قۇرىلىسىنا وتاندىق ماتەريالداردى پايدالانۋ قاجەت. بۇگىن ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ وبلىس اكىمدەرىنە وسىنداي تاپسىرما بەردى.
ق ر پرەزيدەنتى تۇرعىن ءۇي قۇرىلىسىندا وتاندىق ماتەريالداردى پايدالانۋ ەل ەكونوميكاسىنىڭ لوكوموتيۆى بولىپ سانالاتىندىعىن باسا ايتتى.
«بارلىق اكىمدەر قاجەتتى ماتەريالداردىڭ بارلىعىن وبلىستاردا شىعۋىن جانە قۇرىلىستا پايدالانۋىن قاتاڭ باقىلاۋعا الىڭىزدار. سوندا باسقا دا مەكەمەلەرگە جۇمىس بەرەسىزدەر، تابىس تابادى»، - دەپ ەسكەرتتى نۇرسۇلتان نازاربايەۆ.
ال يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەكتىڭ ايتۋىنشا، جوبالاۋ جانە قۇرىلىس كەزەڭى كەزىندە وتاندىق ماتەريالداردى قولدانۋ ماسەلەسى ەرەكشە باقىلاۋعا الىندى.
«وتكەن جىلدىڭ قورىتىندىسى بويىنشا قۇرىلىستاعى قازاقستاندىق قامتۋ ۇلەسى 77 پايىزدى قۇرادى. وسىعان بايلانىستى دەڭگەي 2017 -جىلى 5 پايىزعا، ونىڭ ىشىندە تۇرعىن ءۇي قۇرىلىسى بويىنشا 86 پايىزعا ارتتى»، - دەدى مينيستر.