نۇرسۇلتان نازاربايەۆتىڭ توراعالىعىمەن ۇكىمەت وتىرىسى باستالدى

استانا. قازاقپارات - ق ر پرەزيدەنتى نۇرسۇلتان نازاربايەۆتىڭ توراعالىعىمەن ۇكىمەتتىڭ كەڭەيتىلگەن قۇرامداعى وتىرىسى باستالدى، دەپ حابارلايدى قازاقپارات ءتىلشىسى.

ەلباسىنىڭ قاتىسۋىمەن ۇكىمەتتىڭ مۇنداي وتىرىسى جىل باسىندا تۇراقتى تۇردە وتكىزىلىپ كەلەدى. بۇگىنگى جيىنعا ۇكىمەت مۇشەلەرى، استانا، الماتى جانە شىمكەنت قالالارى مەن وبلىستاردىڭ اكىمدەرى، ورتالىق مەملەكەتتىك ورگاندار مەن مينيسترلىكتەر باسشىلارى قاتىسۋدا.

«ءبىز بۇگىن وتكەن جىلدىڭ قورىتىندىسىن شىعارايىق دەپ وتىرمىز. بىلتىر ىستەلگەن جۇمىستار وسى جەردەگى ءبارىمىزدىڭ اتقارعان شارۋامىزدىڭ ناتيجەسى. بارلىق اكىمدىكتەردىڭ، مينيسترلىكتەردىڭ، جالپى مەملەكەت قىزمەتكەرلەرنىڭ ىستەگەن جۇمىسى، ونىڭ ىشىندە مەن دە بارمىن»، - دەدى وتىرىستى اشقان ەلباسى.

مەملەكەت باسشىسى بۇگىنگى ۇكىمەتتىڭ كەڭەيتىلگەن وتىرىسىندا الدىمەن وتكەن جىلدىڭ الەۋمەتتىك-ەكونوميكالىق دامۋ قورىتىندىسى قارالاتىندىعىن ايتتى.