BBC باسىلىمىنىڭ جازۋىنشا، ليۋكسەمبۋرگتە جول كەپتەلىسى ۇلكەن پروبلەماعا اينالعان.
«بىلتىرعى جىلدىڭ سوڭىندا ليۋكسەمبۋرگ بيلىگى الداعى ۋاقىتتا قوعامدىق كولىك اقىسى تەگىن بولاتىنىن حابارلاعان. وسىعان بايلانىستى 2020 -جىلدىڭ 1 -ناۋرىزىنان باستاپ مەملەكەتتەگى ترامۆاي، مەترو، اۆتوبۋستا جول ءجۇرۋ تەگىن بولادى»، - دەپ جازادى باسىلىم.
اۆتوردىڭ ايتۋىنشا، بۇل ەرەجە وسى مەملەكەت ارقىلى وتەتىن 175 مىڭ قىزمەتكەرگە دە قاتىستى، ياعني، گەرمانيا، بەلگياعا ساعاتتاپ جول ءجۇرىپ جۇمىسقا باراتىن قىزمەتكەرلەر دە مەملەكەتتە ليۋكسەمبۋرگتىڭ 602 مىڭ تۇرعىنى سەكىلدى قوعامدىق كولىكتى تەگىن قولداناتىن بولادى.
«سوڭعى قىرىق جىلدا ليۋكسەمبۋرگتەگى حالىق سانى 240 مىڭ ادامعا كوبەيگەن. بۇگىنگى تاڭدا مەملەكەت ەۋرووداق بويىنشا ءبىر ادامعا شاققانداعى كولىك سانى بويىنشا كوش باستاپ تۇر. مەملەكەتتە جۇمىس ىستەيتىن ازاماتتاردىڭ ` ءوز كولىگىمەن قاتىنايدى، ال قوعامدىق كولىكپەن حالىقتىڭ عانا جۇرەدى»، - دەپ جازادى اۆتور.
ونىڭ ايتۋىنشا، تەگىن جول اقىسىن ەنگىزۋگە تەك اۆتوكولىكتەردىڭ قورشاعان ورتاعا زيانى مەن حالىقتى قوعامدىق كولىككە ىنتالاندىرۋدان باسقا دا سەبەپتەر اسەر ەتكەن.
«ەڭ الدىمەن بۇل - الەۋمەتتىك شارا. ونىڭ ماقساتى - كەدەيلەر مەن بايلار اراسىنداعى ايىرماشىلىقتى ازايتۋ. جالاقىسى از ازاماتتار ءۇشىن جول اقىسى دا اقشا، سول سەبەپتى ونى مۇلدەم تەگىن ەتكەندى ءجون كوردىك»، - دەپتى بيلىك وكىلدەرى.
دەگەنمەن، اۆتوردىڭ ايتۋىنشا، ليۋكسەمبۋرگ تەگىن قوعامدىق كولىككە كوشەتىن العاشقى مەملەكەت ەمەس ەكەن.
«2013 -جىلى ەستونيا استاناسى تاللين قالاسىندا تەگىن قوعامدىق كولىك جۇيەسى ەنگىزىلگەن بولاتىن. سونىمەن قاتار، فرانسيانىڭ ديۋنكەرك قالاسى دا 2018 -جىلدىڭ قىركۇيەگىنەن باستاپ جول اقىسىن تەگىن قىلعان ەدى»، - دەپ جازادى اۆتور.