تاراتىلعان مالىمەتكە سايكەس، اتالعان موبيلدى قوسىمشانىڭ كومەگىمەن ازاماتتار ناركولوگيالىق، پسيحونيەۆرولوگيالىق جانە تۋبەركۋلەزگە قارسى ديسپانسەرلەردەن انىقتامالاردى الا الادى. سونىمەن قاتار نەكەگە تۇرۋ تۋرالى قايتالاما كۋالىككە، اكە ەكەندىگىن انىقتاۋ تۋرالى قايتالاما كۋالىككە، اتىن، تەگىن، اكەسىنىڭ اتىن اۋىستىرۋ تۋرالى قايتالاما كۋالىككە، نەكەنى بۇزۋ تۋرالى قايتالاما كۋالىكتەرگە ءوتىنىش بەرۋ مۇمكىنشىلىك بار.
مۇنان بولەك، قازاقستان رەسپۋبليكاسىنىڭ حالقىن تۇرعىلىقتى جەرى بويىنشا تىركەۋ، جۇرگىزۋشى كۋالىگىن الۋ، ەلەكتروندىق ەڭبەك بيرجاسى، مەكەنجاي بويىنشا تىركەلگەن ادامدار تۋرالى مەكەنجاي انىقتاماسىن بەرۋ mGov قوسىمشاسى ارقىلى قولجەتىمدى.
قازاقستان رەسپۋبليكاسى باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ەسەپتەرى بويىنشا تۇلعانىڭ اكىمشىلىك قۇقىق بۇزۋشىلىق جاساعانى تۋرالى مالىمەت بەرۋدە اتالعان قوسىمشا ارقىلى جۇزەگە اسىرىلادى.
«جوعارىدا كورسەتىلگەن قىزمەتتەردى ە ت س ق- مەن (ەلەكتروندىق سيفرلىق قولتاڭبا) قول قويۋ ارقىلى نەمەسە ءبىر رەتتىك SMS- پارول ارقىلى (ول ءۇشىن موبيلدىك ازاماتتار بازاسىندا مىندەتتى تۇردە تىركەلۋ قاجەت) الۋعا بولادى. «ەلەكتروندىق ۇكىمەت» موبيلدىك قوسىمشاسىن پايدالانىپ جۇرگەن ازاماتتارعا جوعارىدا كورسەتىلگەن قىزمەتتەردى الۋ ءۇشىن mGov جاڭارتۋ جەتكىلىكتى»، - دەلىنگەن حابارلامادا.
ايتا كەتەيىك، بۇگىنگى كۇنى eGov.kz پورتالىنىڭ موبيلدىك قوسىمشاسى ارقىلى 62 مەملەكەتتىك قىزمەت پەن سەرۆيس قولجەتىمدى.