بۇل تۋرالى ۋنيۆەرسيتەت رەكتورى اقىلبەك كۇرىشبايەۆ ءوزىنىڭ فەيسبۋك پاراقشاسىنا جازدى، دەپ حابارلايدى قازاقپارات ءتىلشىسى.
«ۋنيۆەرسيتەت ءوز تاريحىندا العاش رەت ەۋروپالىق وداقتىڭ زاماناۋي تەحنولوگيانى قولدانۋ ارقىلى ناقتى اۋىل شارۋاشىلىعى بويىنشا وقۋ باعدارلامالارىن جاڭعىرتۋ جونىندەگى گرانتىن جەڭىپ الدى. ارينە، ءبىز بۇعان دەيىن دە كوپتەگەن حالىقارالىق جوبالارعا قاتىستىق، ءبىراق، قوسىمشا ورىنداۋشى رەتىندە. ەندىگى جەردە ءبىزدىڭ ۋنيۆەرسيتەت ەۋروپالىق وداقتىڭ جوباسىندا باستى بولىپ تابىلادى، ياعني جوبانى ءوزىمىز باسقارىپ، وعان بولىنگەن قارجىنى ءوزىمىز رەتتەيتىن بولامىز»، - دەپ جازدى اتالعان ج و و- نىڭ رەكتورى.
ونىڭ ايتۋىنشا، اۋىل شارۋاشىلىعىنا ارنالعان گرانتتىڭ قوسىمشا ورىنداۋشىلارى گەرمانيا، چەحيا، بولگاريا، وزبەكستان جانە تۇرىكمەنستان ەلىنىڭ ۋنيۆەرسيتەتتەرى.
سونداي-اق، ا. كۇرىشبايەۆ ەلىمىزدە عىلىمعا ارنالعان گرانتتارعا بايقاۋ وتكىزۋدە ەۋروپا كوميسسياسىنىڭ تاجىريبەسىن ۇيرەنۋ كەرەكتىگىن ايتىپ ءوتتى.