اۋدان اكىمى باۋىرجان عايسا ءوڭىر تۇرعىندارىنىڭ ءال-اۋقاتىن ارتتىرۋ باعىتىندا جۇزەگە اسىرىلىپ جاتقان مەملەكەتتىك باعدارلامالار مەن الەۋمەتتىك-ەكونوميكالىق دامۋ كورسەتكىشتەرىنە توقتالدى. استانانىڭ ىرگەسىندەگى اۋداننىڭ ەكونوميكاسىندا وتكەن جىلى وڭ وزگەرىستەر بايقالدى. اۋدان بيۋجەتى 100 پايىز ورىندالدى. وبلىس بويىنشا اۋدان ءۇشىنشى كورسەتكىشكە قول جەتكىزدى.
«ونىڭ ىشىندە جىل قورىتىندىسى بويىنشا نەگىزگى كاپيتالعا سالىنعان ينۆەستيتسيالار كولەمى 2,5 ميلليارد تەڭگەنى قۇراسا، قۇرىلىس جۇمىستارىنىڭ كولەمى 992,3 ميلليون تەڭگەگە جەتىپ، 3498 شارشى مەتر باسپانا پايدالانۋعا بەرىلدى. اۋىل شارۋاشىلىعى سالاسىندا 7,5 ميلليارد تەڭگەنىڭ ءونىمى ءوندىرىلدى»، - دەيدى قورعالجىن اۋدانىنىڭ اكىمى باۋىرجان عايسا.
بۇل مالىمەتتەردى ول اقمولا وبلىستىق ىشكى ساياسات باسقارماسىنىڭ جانىنداعى وڭىرلىك كوممۋنيكاتسيالار قىزمەتىندە ءوڭىردىڭ 2018-جىلعى الەۋمەتتىك-ەكونوميكالىق دامۋىنىڭ قورىتىندىسى تۋرالى جۋرناليستەرمەن وتكەن بريفينگتە كەلتىردى.
بريفينگتە ايتىلعانداي، وتكەن جىلى اۋدان ديقاندارى ءار گەكتاردان 11,4 تسەنتنەردەن شىققاندا 128,2 مىڭ توننا استىق جينادى. اۋداندا «سىباعا»، «التىن اسىق» جانە «قۇلان» باعدارلامالارى شەڭبەرىندە مال شارۋاشىلىعىن دامىتۋ بويىنشا ناقتىلى جوبالار قولعا الىنعان. مال شارۋاشىلىعىن سۋبسيديالاۋ كولەمى 61,1 ميلليون تەڭگەنى قۇرادى. ناتيجەسىندە ءىرى قارا سانى 22,3 مىڭ باس، قوي مەن ەشكى 32,3 مىڭ جانە جىلقى 12,1 مىڭعا جەتىپ وتىر.
اۋداندا شاعىن جانە ورتا بيزنەس سالاسىن دامىتۋعا جەتكىلىكتى كوڭىل بولىنۋدە. وتكەن جىلى اۋداندا بارلىعى 671 كاسىپكەلىك سۋبەكتىسى تىركەلىپتى. اۋىل شارۋاشىلىعى جەرلەرىن سيفرلاندىرۋ جۇمىستارى دا ويداعىداي جۇرگىزىلۋدە.