بۇعان دەيىن «CBS» تەلەارناسى حابارلاعانداي، نيۋ- يوركتىڭ پوليتسيا باسقارماسى برۋكليندە تۇراتىن 24 جاستاعى ماحاببات ابدۋاليەۆانى تۇتقىنعا العان. ب ا ق- تىڭ حابارلاۋىنشا، قازاقستاندىق قىزعا ۇساق ۇرلىق، الاياقتىق ماقساتتا ءوزىن باسقا ادام دەپ تانىستىرۋ ايىپتارى تاعىلىپ وتىر. «كۇدىكتى ءوزىن ريەلتور دەپ تانىستىرعان جانە Ocean Parkway جانە تاعى ەكى ءۇيدىڭ پاتەرلەرىن جالعا بەرەتىنىن حابارلاعان. ءبىراق، كليەنتتەردەن الدىن الا تولەمدى العان سوڭ، كەرى بايلانىسقا شىقپاعان» ، - دەلىنگەن جاڭالىقتا.
بۇل اقپاراتتى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ راستادى. «ءيا، ماحاببات ابدۋاليەۆا - شىنىمەن دە قازاقستان ازاماتى. وعان الاياقتىق بويىنشا ايىپ تاعىلىپ وتىر. ادۆوكاتتار مەن كونسۋلداردىڭ كۇش سالۋىمەن قازاقستاندىق قىز بوساتىلدى. بارلىق تەرگەۋ جۇمىستارى اياقتالعانشا بوستاندىقتا بولادى. نەگىزگى سوت تىڭدالىمى ناۋرىز ايىنا جوسپارلانعان» ، - دەپ جاۋاپ بەردى ايبەك سمادياروۆ.