قازاقستان مالدىڭ وڭدەلمەگەن تەرىسىن ەكسپورتقا شىعارۋعا تىيىم سالادى
09:46, 27 - قاڭتار 2019
استانا. قازاقپارات - قازاقستان ءىرى قارا مالىنىڭ وڭدەلمەگەن تەرىسىن ەكسپورتقا شىعارۋعا 6 ايعا تىيىم سالاتىن بولادى.
بۇل جايىندا ق ر پرەمەر- ءمينيسترى باقىتجان ساعىنتايەۆتىڭ ءماجىلىس دەپۋتاتتارىنىڭ رەسمي ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.
«ءىرى قارا مالدىڭ وڭدەلمەگەن تەرىسىن قازاقستان رەسپۋبليكاسى اۋماعىنان شىعارۋعا 6 ايعا شەكتەۋ قويۋ ماسەلەسى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ جونىندەگى ۆەدومستۆوارالىق كوميسسيانىڭ قولداۋىنا يە بولدى. يندۋستريا جانە ينفراقۇرىلىمدىق دامۋ مينيسترلىگى وسىعان وراي بۇيرىق جوباسىن ازىرلەپ، ول مۇددەلى مەملەكەتتىك ورگاندارمەن كەلىسۋ ساتىسىندا تۇر» ، - دەلىنگەن ۇكىمەت باسشىسىنىڭ جاۋابىندا. سونىمەن قاتار پرەمەر- مينيستر وسى ماسەلەگە قاتىستى شەشىمدى يندۋستريا جانە ينفراقۇرىلىمدىق دامۋ مينيسترلىگى ءماجىلىس دەپۋتاتتارىندا قوسىمشا حابارلايتىندىعىن اتاپ وتكەن.