تورەعالي تورەالى: ۇزىلگەن جوق جۇلىنىم
جەلىدە ءانشىنىڭ جول اپاتىنا تۇسكەنى تۋرالى اقپارات جەلدەي ەستى. تورەعالي پاراقشاسىنا كۇلىپ تۇرعان سۋرەتىن جۇكتەپ، كوپشىلىككە جاۋاپ قاتتى.
ءانشى ءوزىنىڭ ءولىمى جايلى جالعان اقپاراتتى جاريالاماۋدى، ونىڭ ورنىنا ۇزاق ءومىر تىلەۋدى سۇرادى.
ءانشى ولەڭدەتىپ جاۋاپ جازىپ، كوپشىلىكتى سابىرعا شاقىردى.
ءبىر اللانىڭ قۇلىمىن،
«ۇلى دالانىڭ ۇلىمىن.
اسسالاۋماعالەيكۋم
اعايىن مەن ءتىرىمىن!
ەشقانداي اپات بولعان جوق
ۇزىلگەن دە جوق جۇلىنىم.
كۇناسىن قۇداي كەشىرسىن
وتىرىك ايتقان قۇلىنىڭ.
رازىلىعى ءۇشىن اللانىڭ
كەشىردىم مەن دە قىلىعىن.
تىرىدەي ەتىن جەمەسىن
قازاقتار ءبىر- ءبىرىنىڭ.
جالعان سويلەۋدى قويىڭدار
ودان دا تىلەپ قويىڭدار
ءتاڭىرىم ۇزاق قىلسىن دەپ
تورەشتەرىڭنىڭ عۇمىرىن!»، دەپ جازادى ول.
جەلىدە تورەعاليدىڭ جول اپاتىنان قازا بولعانى تۋرالى اقپارات ونلاين- جارناما سايتىندا شىقتى. بۇل «كليكبەيت» دەپ اتالاتىن تابىس تابۋدىڭ جولى.
تورەعالي بۇعان دەيىن دە بىرنەشە رەت باسى داۋعا قالىپ، ەلدىڭ اشۋىن تۋعىزعان ەدى. بىلتىرعى جىلى ۇشاققا بيلەتسىز كىرىپ، پاۆلوداردا كورەرمەنگە بالاعات ءسوز ايتتى. جاقىندا ساحنادا ءبۇلدىرشىننىڭ اۋزىنا تۇكىرگەنى ءۇشىن تاعى سىنعا قالدى.