تۇتىنۋشىلار سيىردىڭ ەتىنىڭ ورنىنا جىلقى ەتىن الىپ قويعاندارىنا اشۋلاندى
دەپ حابارلايدى قازاقپارات AssociatedPress اگەنتتىگىنە سىلتەمە جاساپ.
ءۇش اپتاعا سوزىلاتىندىعى بولجانىپ وتىرعان سوت پروتسەسىندەگى ايىپتىلاردىڭ قاتارىندا فرانسۋزدىق Spanghero كومپانياسىنىڭ بۇرىنعى ەكى باسشىسى مەن گوللاندىق ەكى ەت ساتۋشى بار. ولاردىڭ بارلىعىنا كليەنتتەرى مەن تۇتىنۋشىلاردى قاساقانا الدادى دەگەن ايتىپ تاعىلعان. كىنالارى دالەلدەنگەن جاعدايدا 10 جىلعا دەيىن باس بوستاندىقتارىنان ايىرىلادى. كۇدىكتىلەر 2012 -جىلدىڭ قاڭتارىنان 2013 -جىلدىڭ اقپانىنا دەيىنگى ارالىقتا ءوز قۋلىقتارىن جۇزەگە اسىرۋى مۇمكىن.
مۇنان بولەك، ەكى فرانسۋزعا «سيىر ەتى» دەپ تاڭبالانعان 538 توننا جىلقى ەتىن ساتتى دەگەن ايىپ تاعىلىپ وتىر. مۇزداتىلعان ءونىم تۇرىندەگى جىلقى ەتى بۇكىل ەۋروپا ەلدەرىندە ساۋدالانعان. سونىمەن قاتار ايىپتالۋشىلار ەت ونىمدەرىن فرانسۋزدىق ەتتەن جاسالعان دەپ تە الداۋى، ونى رۋمىنيا، بەلگيا نەمەسە كانادادان جەتكىزۋى مۇمكىن.
ەت توڭىرەگىندەگى داۋ- داماي 2013 -جىلى ۇلى بريتانيادا باستالىپ، بۇكىل ەۋروپا ەلدەرىنە تاراعان بولاتىن. سەبەبى مۇزداتىلعان تاعام قۇرامىندا جىلقى ەتى انىقتالعان ەدى. وسىدان كەيىن ۇلى بريتانيا، يرلانديا، فرانسيا، گەرمانيا، دانيا، فينليانديا، شۆەتسيا مەن نورۆەگيا دۇكەندەرىنىڭ سورەلەرىنەن ميللونداعان ءونىم الىنىپ تاستالدى. ال سۋپەرماركەتتەر مەن ازىق- تۇلىك ونىمدەرىن جەتكىزۋشىلەرگە سيىر ەتىنەن جاسالعان ونىمدەردىڭ قۇرامىندا جىلقى ەتىنىڭ د ن ك- ءسىنىڭ بار- جوعىن انىقتاۋعا نۇسقاۋلىق بەرىلگەن.
جالپى ەۋروپادا كەيبىر تۇتىنۋشىلار سيىردىڭ ەتىنىڭ ورنىنا جىلقى ەتىن الىپ قويعاندارىنا نارازى بولىپ، وزدەرىن الدانعانداي سەزىنەدى. ەندى بىرەۋلەر: «ماڭعاز، اقىلدى، سۇيكىمدى جانۋار - جىلقىنىڭ ەتىن باسقا ەتتىڭ ورنىنا ۇسىنۋ ادامداردىڭ اشۋلانۋىنا سەبەپ بولدى» دەيدى.
تىيىم سالىنعان تاعامدار تاريحىن زەرتتەگەن مەيەر- روحوۆ ءار قوعامنىڭ ءوز سالتى بار ەكەنىن، ولاردىڭ شىعۋ تەگى باعزى زامانعا كەتەتىنىن ايتتى. ەجەلگى تايپالار بەلگىلى ءبىر جانۋاردى ءپىر تۇتىپ، ونىڭ رۋحىن قورلاماس ءۇشىن ەتىن جەمەيتىن بولعان. ءدىني سەنىم بويىنشا ارام سانالاتىن جانۋارلار دا بار. سونداي- اق جانۋارلاردى «ادامنىڭ سەرىگى» جانە «ازىق- تۇلىك كوزى» دەپ بەيرەسمي بولۋگە بولادى. تاريحي تۇرعىدا جىلقى وسى ەكى ساناتقا دا ەنەتىن بولعاندىقتان، ونىڭ مارتەبەسىن انىقتاۋ وڭاي ەمەس.
- ارينە، جىلقى ەتىن ەۋروپانىڭ كوپتەگەن ەلدەرى، الەمنىڭ كوپ بولىگى ازىق رەتىندە تۇتىنادى. عىلىمي تۇرعىدا جىلقى ەتىن جەۋگە بولمايدى دەگەن قاعيدا جوق، - دەيدى پروفەسسور.
ەۋروپادا جىلقى ەتى كەدەيلەردىڭ اسى دەسەدە بولادى. ودان سوڭ سپورت پەن دەمالىستا تاپتىرمايتىن سەرىك ءرولىن اتقاردى. ەۋروپانىڭ كەيبىر ەلدەرىندە، سونىڭ ىشىندە ۇلى بريتانيا مەن يرلانديادا جىلقى ەتىن ەشكىم جەمەيدى، ال فرانسيا مەن شۆەيتساريادا ونى جەيتىندەر دە، جەمەيتىندەر دە بار.
اۋدارما: مارلان جيەمباي