باجاندار ۆەررۋتسيوفورمالى ەپيدەرموديسپلازيا دەرتىنە شالدىققان. مۇنداي اۋرۋ كەزىندە دەنەگە سۇيەل قاپتاپ، ناتيجەسىندە تەرى اعاشتىڭ قابىعىنا ۇقساس بولىپ كەتەدى. 2016 -جىلى 26 - جاستاعى ەر ادام ءبىرىنشى رەت دارىگەرلەردىڭ كومەگىنە جۇگىنىپتى. ول كەزدە دارىگەرلەر پاتسيەنتتىڭ دەنەسىنەن العان وسىندىلەردىڭ سالماعى 5 كەلىنى قۇرادى، دەپ حابارلايدى South China Morning Post باسىلىمىنا سىلتەمە جاساپ Stan.kz.
باجاندارۋ سودان بەرى 25 وتا جاساتىپ، ۇزاق ۋاقىت ەم- دوم العان. دارىگەرلەر اۋرۋدىڭ جەڭدىك دەپ ۇمىتتەنگەنىمەن، مامىر ايىندا اۋرۋ بەلگىلەرى قايتا پايدا بولىپ، اسقىنىپ كەتىپتى. سول كەزدە ەر ادام ەمنىڭ باسقا ءتۇرىن ىزدەۋ ءۇشىن اۋرحانادان قاشىپ كەتەدى.
الايدا وعان ەشكىم كومەكتەسە المادى. ول 20 - قاڭتاردا قايتادان اۋرۋحاناعا قايتىپ كەلدى. بۇگىندە باجانداردىڭ جاعدايى ناشارلاپ كەتكەن. ەندىگى ونىڭ الاقانى مەن تابانى سۇيەلدەن كورىنبەيدى.
پلاستيكالىق حيرۋرگ سامانتا لال سەننىڭ سوزىنشە، جاقىندا ەم جۇرگىزىلە باستايدى. ول دارىگەرلەرگە ەمدى «باسىنان باستاۋعا» تۋرا كەلەتىنىن ايتتى.
ال ەلدىڭ پرەمەر- ءمينيسترى ەر ادامعا ەم ءۇشىن اقشا تولەمەۋىنە بولاتىنىن مالىمدەدى. باجاندار بۇعان دەيىنگىدەي قىمبات پالاتاعا جاتقىزىلادى. ونىڭ جانىندا ايەلى مەن قىز بولادى.
Uptodate مەديتسينالىق رەسۋرسىنىڭ مالىمەتىنشە، بۇل دەرت الەم بويىنشا 501 ادامدا كەزدەسكەن.
Stan.kz