سولاردىڭ ىشىندە ءوز ءومىرىن قاتەرگە تىگىپ، ورتاعاسىرلىق داستۇردەن قۇتىلۋعا بەل بۋعان بويجەتكەننىڭ تاعدىرى جۇرتتى قىزىقتىرماي قويمادى دەپ حابارلايدى bigpicture.ru سايتى.
18 جاستاعى راحاف موحاممەد ال-كۋنين ەلدەگى باسقا دا قىزدار سياقتى ءوزى ۇناتپايتىن كۇيەۋىمەن قوسىلۋدى، ءتورت قابىرعادان شىقپاي، ەرلەردىڭ كوزىنە تۇسپەي جۇرگەن ءومىردى عانا كۇتىپ جۇرەدى. الايدا، بۇل جاعدايعا كوڭىلى تولماعان ول تويدى كۇتپەي، جانۇياسىنان قاشىپ كەتكەن.
وتانىندا وزىنە تىنىشتىق بولماسىن تۇسىنگەن ول ۇشاققا بيلەت الىپ، تايلاندقا كەتىپ قالعان. الايدا، ارۋ اۋەجايداعى قوناق ۇيدە جەرلەستەرىنە ۇستالىپ، بولمەنىڭ ەسىگىن جيھازبەن جاۋىپ، امان قالعان. ارتىنشا بويجەتكەن ءوز ەلىنە ورالمايتىنىن ايتىپ، وزىنە تايلاند كورولدىگىنەن باسپانا بەرۋدى سۇراپتى.
ودان بولەك، راحاف الەمدە ءوزى تۋرالى كوپ ادام بىلگەنىن قالاعان. ول ءوز تاريحىن جازىپ، دوستارىنان جازباسىن ءبولىسۋدى دە سۇراپتى. بويجەتكەن ءوزىن ۇشاققا وتىرعىزىپ، كۋۆەيتكە نەمەسە ساۋد ارابياسىنا اپارسا، ءولىم جازاسىنا كەسىلەتىنىن مالىمدەگەن ەكەن.
وسىلايشا، تايلاند بيلىگىنەن قولداۋ كورگەن اراب قىزى جۋرناليستەرمەن جانە شەنەۋنىكتەرمەن كەزدەسۋگە مۇمكىندىك الىپتى.
راحافتىڭ ايتۋىنشا، ول تۋىستارىنان الدەقايدا الىس بولۋ ءۇشىن اۆسترالياعا قونىس اۋدارۋدى جوسپارلاعان ەكەن.
راحاف ال-كۋنۋن - تەك قانا ساۋد ارابياسىندا عانا ەمەس، شەت ەلدە دە ۇلكەن مۇمكىندىكتەرگە يە ەلدەگى بەدەلدى شەنەۋنىكتىڭ قىزى. ونىڭ توعىز اپكە، اعاسى بار. وتباسىنىڭ بەدەلىنىڭ نۇقسان كەلتىرگەندىكتەن، اكەسى قاشقىن قىزىن قايتارۋعا بار كۇشىن سالعان بولۋى مۇمكىن.
راحافتىڭ اكەسى مەن اعاسى تايلاندقا كەلگەنمەن، ول تۋىستارىمەن كەزدەسۋدەن باس تارتقان. بويجەتكەن ارتىنشا سەۋلگە، ودان سوڭ كاناداعا كەتىپ قالىپتى.
الەۋمەتتىك جەلىدە راحاف ءۇشىن الاڭداعان حالىق كوپ بولدى. الايدا ولار قىزدىڭ ۇشاقتا وتىرعانىن كورىپ، قۋانىپ قالدى. ال تورونتو اۋەجايىندا راحافتى كانادانىڭ سىرتقى ىستەر ءمينيسترى كريستيا فريلەند ءبىر قۇشاق گۇلمەن قارسى العان.
«بۇل راحاف موحاممەد ال-كۋنۋن، وتە قايسار كانادالىق قىز»، - دەدى ول.
ارتىنشا «كانادا» جازۋى بار كيىم كيگەن اراب قىزىنىڭ سۋرەتتەرى بۇكىل الەمگە تاراپ كەتتى.