«مەن بۇل ازاماتتاردى ءبىزدىڭ ارنايى قىزمەتتەگىلەر ناعىز توزاقتان الىپ شىقتى دەسەم ارتىق ايتقانىم ەمەس. سوندىقتان، مەملەكەت باسشىسى اتالمىش وپەراتسيانى ءوزىنىڭ جەكە باقىلاۋىنا العان بولاتىن. ءوز كەزەگىندە ۇلتتىق قاۋىپسىزدىك كوميتەتى مەن ق ر س ءى م وتە اۋقىمدى ءارى اۋىر جۇمىستى اتقارعانىن ايتا كەتۋ كەرەك»، - دەيدى داۋرەن ابايەۆ.
ءمينيستردىڭ ايتۋىنشا، سيرياعا كەتكەندەردىڭ كوبى ءدىني سەبەپتەرگە بايلانىستى ەلدى تاستاپ كەتكەن.
«ايەلدەر ەرلەرىنىڭ سوڭىنا ەرە بارعان. ال سيرياعا بارعاننان كەيىن مۇسىلماندار مۇسىلمانداردى قالاي قىرىپ جاتقانىنا كۋا بولعان. اشىقتان اشىق دارعا اسۋ - كۇندەلىكتى كورەتىن جاعداي بولىپ كەتكەن. توناۋشىلىق كەڭ ەتەك جايعان. بالالاردى جاۋىنگەرلىك لاگەرلەردە دايىنداعان. ەرى قايتىس بولعان ايەلدەردى بىردەن باسقاعا بەرە سالىپ وتىرعان. مۇندايمەن بەتپە-بەت كەلگەن كەيبىر قازاقستاندىقتار قاشىپ تا كەتپەك بولعان. الايدا تەرروريستەر قاشقانداردى ۇستاپ، ولتىرەتىن ارنايى جازالاۋ جاساعىن قۇرعان. ول از دەسەڭىز، لاگەرلەردەن شىعاتىن جولداردىڭ بارىنە بومبا قويىلعان. تەك وتكەن جىلى عانا تەرروريستەردىڭ باسشىلىعىنا سىني پىكىر ايتقان 7 قازاقستاندىق دارعا اسىلعانى بەلگىلى بولدى»، - دەيدى داۋرەن ابايەۆ.
ءمينيستردىڭ ايتۋىنشا، ايەلدەر مەن بالالار ەشقانداي مەديتسينالىق جاي-كۇيى جوق، ازىق-تۇلىگى جەتكىلىكسىز كۇيدە پالاتكالى لاگەرلەردە تۇرعان.
«ءسوز اياعىندا شاعىن عانا ءبىر جايدى ايتا كەتسەم دەيمىن: ول جاقتاعى ءبىزدىڭ وتانداستار قۇتقارىلاتىنى تۋرالى وپەراتسيا جايلى ەستىگەن كەزدە قۋانعاندارىنان بارلىق قۇندى زاتتارىن ساتىپ، سول اقشاعا مەرەكەلىك داستارحان جايۋ ءۇشىن ءبىر تاۋىق ساتىپ العان ەكەن. مەنىڭ ويىمشا، ولاردىڭ جاعدايى تۋرالى بۇدان ارتىق ايتۋدىڭ دا قاجەتى جوق»، - دەيدى داۋرەن ابايەۆ.
ەسكە سالا كەتسەك، كەشە مەملەكەت باسشىسى نۇرسۇلتان نازاربايەۆ سيريادان قازاقستان ازاماتتارىن ەۆاكۋاتسيالاۋ بويىنشا گۋمانيتارلىق وپەراتسياعا بايلانىستى مالىمدەمە جاساعان بولاتىن. مەملەكەت باسشىسى اتاپ وتكەندەي، 6- قاڭتاردا قۇقىق قورعاۋ ورگاندارى مەن سىرتقى ىستەر مينيسترلىگى جۇرگىزگەن گۋمانيتارلىق شارا ناتيجەسىندە سيريادان قازاقستاننىڭ 47 ازاماتى، سونىڭ ىشىندە 30 بالا ەلگە قايتارىلدى.