امەريكالىق مۋزىكا مامانى ديماشتىڭ ونەرىنە جوعارى باعا بەردى
مەري سيممەر YouTube جەلىسىندەگى ءوزىنىڭ جەكە ارناسىندا الەمدەگى ءارتۇرلى ارتىستەردىڭ ونەرىنە باعا بەرىپ وتىرادى. ديماشتىڭ ونەرىن باعالاۋ جونىندە ءانشىنىڭ كوپتەگەن جانكۇيەرلەرى قولقا سالعان كورىنەدى. مۋزىكالىق ساراپشى قازاق ءانشىسىنىڭ شىعارماشىلىعىمەن تانىس ەمەس ەكەن.
جاتتىقتىرۋشى ءوزىنىڭ ۆوكالدىق مۇمكىندىگى ءۇش وكتاۆاعا عانا جەتەتىنىن مويىندايدى. ال ديماش التى وكتاۆامەن ەركىن ءان شىرقاي الادى.
«مەن جۇزدەگەن ادامعا ءان ايتۋدى ۇيرەتتىم. ءبىراق ولاردىڭ ءبىر دە بىرەۋى بەس وكتاۆادا ءان ايتا المايتىن. شىن مانىندە، مەن وقىتقان انشىلەردىڭ بارلىعىنىڭ ءۇش نەمەسە ءۇش جارىم وكتاۆالىق مۇمكىندىكتەرى بار. ايگىلى انشىلەردىڭ ءوزى ورتاشا ۆوكالدىق دياپازوندا ءان شىرقايدى» ، - دەيدى ول.
ۆوكال مامانى ديماشتىڭ ەڭ جوعارى نوتا - D8 (سەگىزىنشى وكتاۆانىڭ رە نوتاسى) بويىنشا ءان شىرقاي الاتىن قابىلەتىنە تاڭدانىسىن جاسىرمايدى.
«مۇنداي ۆوكالدىق تالانت ەكىنىڭ بىرىنە بۇيىرا بەرمەيدى. ديماش - ايرىقشا ۆوكالدىق اۋقىمنىڭ سيرەك كەزدەسەتىن يەگەرى. ول سونداي- اق ءارتۇرلى ءستيلدى بىرىكتىرە الاتىن كەرەمەت شەبەر» ، - دەپ اتاپ ءوتتى ساراپشى.
ديماشتىڭ وزىندىك ەرەكشەلىگى - تەنورمەن، باريتون جانە سوپرانومەن ءان ايتا الۋىندا.
«ومىرىمدە 4 وكتاۆالىق سوپرانومەن ءان شىرقاي الاتىن ءبىر عانا ونەر يەسىمەن كەزدەسكەنىم بار. ادامنىڭ دىبىستىق بايلانىسى مۋزىكالىق اسپاپقا ۇقساس. ىشەك ۇزىن بولعان سايىن دىبىس تەربەلىسى سوعۇرلىم ءجيى. ديماشتىڭ ادەتتەن تىس ۆوكالدىق بايلامى بار. ول، مەنىڭ ويىمشا، جۇقا ءارى كەڭ. بۇدان بولەك، ديماش ءان ايتۋ تەحنيكاسىنىڭ شىنايى شەبەرى» ، - دەپ ەسەپتەيدى بلوگەر.
ۆوكال ءمۇعالىمى ديماشتىڭ وسىنداي ناتيجەلەرگە قول جەتكىزە الۋىنىڭ بىردەن- ءبىر سەبەبى - كلاسسيكالىق جانە قازىرگى زامانعا ساي اندەرمەن وتە كوپ ۋاقىت جۇمىس ىستەۋىنىڭ ارقاسى دەپ ەسەپتەيدى.
«ءتىپتى، ادام بىرەگەي دارىنمەن دۇنيەگە كەلسە دە، داۋسىمەن شىنداپ جۇمىس ىستەمەسە، ونەرى سول كۇيى كومىلىپ قالار ەدى» ، - دەپ قورىتىندىلادى مەري سيممەر.