وعان وبلىس اكىمى اماندىق باتالوۆ، «برك- ليزينگ» ا ق باسشىلىعى مەن چەحيالىق سىناۋشى- ۇشقىشتار قاتىستى. اۋە كەمەلەرى «برك- ليزينگ» ا ق كومەگىمەن ساتىپ الىنىپ، ودان ءارى ينفراقۇرىلىمدىق «نۇرلى جەر» مەملەكەتتىك باعدارلاماسىنىڭ اياسىندا قارجىلىق ليزينگىگە بەرىلەدى
2018 -جىلى شىققان، 19 ورىندىق L-410 ۇشاقتارىن «جەتىسۋ» اۆياكومپانياسى» ا ق جەرگىلىكتى اۋە جۇيەسىنە قىزمەت كورەسەتۋ ءۇشىن الدى. ونىڭ بىرەۋى تالدىقورعان - ءۇشارال - تالدىقورعان، الماتى - ءۇشارال - الماتى باعىتىنا ۇشاتىن بولادى. ال ەكىنشىسى ساناۆياتسيا ۇشاعى رەتىندە پايدالانىلادى.
جاعىمدى جاڭالىقپەن قۇتتىقتاعان وبلىس اكىمى اماندىق باتالوۆ ۇشاق ساتىپ الاردىڭ الدىندا ونىڭ ۇشۋ- تەحنيكالىق سيپاتتاماسى تولىقتاي زەرتتەلگەنىن، ونىڭ كورپۋسىن بەزەندىرۋ ديزاينىن ءوڭىردىڭ ماماندارى دايىنداعانىن اتاپ ءوتتى.
«بۇگىن ءبىز قۋانىشتى جاعدايعا جينالىپ وتىرمىز. تالدىقورعان اۋەجايىنا ءبىزدىڭ ارنايى تاپسىرىسىمىزبەن چەحيادا جاسالعان جاڭا ۇشاقتار كەلىپ قوندى. بۇلار شاعىن ۇشاقتار بولسا دا، ىشكى رەيستەردى قامتاماسىز ەتۋدە ماڭىزى زور بولماق. مەملەكەت باسشىسى ىشكى ءتۋريزمدى بەلسەندى دامىتۋدى تاپسىردى. ەندى الاكول جاعالاۋىندا دەمالعىسى كەلەتىندەر ءۇشىن ءۇشارالعا ۇشاقپەن جەتۋگە مۇمكىندىك تۋىپ وتىر» ، - دەدى ا. باتالوۆ.
سول سياقتى استانا قالاسىمەن اۋە بايلانىسى ءۇشىن 50 ورىندىق ۇشاق الۋ الداعى جوسپاردا بار ەكەنىن دە تىلگە تيەك ەتتى.
ايتا كەتەرلىگى، Aircraft Industries - چەحياداعى جولاۋشى ۇشاقتارىن ءوندىرۋشى ءىرى كومپانيالاردىڭ ءبىرى. اۆياتسيالىق وندىرىستە كوپجىلدىق تاجىريبەسى بار. L-410 مودەلدى اۋە كەمەلەرى الەمنىڭ 50 دەن استام ەلىندە قىزمەت كورسەتەدى، قاۋىپسىزدىك جانە ۇنەمدىلىك جاعىنان زامان تالاپتارىنا جاۋاپ بەرە الادى. ەڭ جوعارعى كرەيسەرلىك جىلدامدىعى 335 ك م/ساع، 1400 شاقىرىمعا دەيىن ۇشا الادى.