اتالعان ورتالىق مالىمەتىنشە، مۇنداي ناتيجەگە جەتۋ ءۇشىن زەرتحانا قىزمەتكەرلەرى بىرنەشە جىل جۇمىس ىستەگەن.
زەرتتەۋ جۇمىستارى 2015-جىلى باستالعان بولاتىن. ءبىر ايتا كەتەرلىگى، جاڭا سورتتىڭ ەرەكشەلىگى - توزىمدىلىگى جوعارى. ەلىمىزدىڭ سولتۇستىك وڭىرلەرىندە وسىرۋگە ارنالعان بۇل سورت اۋا جانە توپىراق قۇرعاقشىلىعىنا ءتوزىمدى. مينەرالدى تىڭايتقىشتارمەن ىلعالداندىرعان جاعدايدا مول ءونىم بەرەدى. ەكولوگيالىق جازدىق دالالىق تۇرگە جاتادى»، - دەپ اتاپ وتەدى ورتالىقتان.
«دامسينسكايا 2017» سورتى شيكى پروتەين مەن اقۋىزدىلىعىنىڭ تۇراقتى قۇرامىمەن ەرەكشەلەنەدى. ماكارون ءتۇسى جانە جالپى باعالاۋ بويىنشا ستاندارتتى كورسەتكىشتەن اسىپ تۇسەدى.
ەكولوگيالىق سورت سىناق سولتۇستىك قازاقستان وبلىسىندا دا جۇرگىزىلىپ، اتالعان سورت 46,3 تسەنتنەر ءونىم بەرگەن.
ەسكە سالا كەتەيىك، اقمولا وبلىسىنىڭ شورتاندى اۋدانىندا ورنالاسقان ا. بارايەۆ اتىنداعى استىق شارۋاشىلىعى عىلىمي-وندىرىستىك ورتالىعىندا بىلتىر جازدىق ءبيدايدىڭ ونىمدىلىگى 2,5 ەسە ارتىپ 25,5 تسەنتنەرگە جەتتى.