ساۋد ارابياسىنىڭ ازاماتى راحاف موحاممەد ءال- كۋنۋن (سول جاقتان ەكىنشى) بانگكوك اۋەجايىندا تايلاند يمميگراتسيا قىزمەتىنىڭ باسشىلارىمەن كەزدەسىپ تۇر. 7 قاڭتار 2019 -جىل.
ب ۇ ۇ- نىڭ بوسقىندار ءىسى جونىندەگى اگەنتتىگى اۆستراليا بيلىگىنەن راحاف موحاممەد ءال- كۋنۋنعا كومەكتەسۋدى وتىنگەن. اۆستراليا ۇكىمەتى قىزدىڭ ءوتىنىشىن ەل زاڭدارىنا ساي قاراۋعا ۋادە بەردى.
راحاف موحاممەد ءال- كۋنۋن اۆستراليالىق ۆيزاسى بولعانىن، ءوز وتباسىنان وسى ەلگە قاشقىسى كەلگەنىن مالىمدەگەن.
قازىر تايلاندتا ءال- كۋنۋننىڭ اكەسى مەن باۋىرى ءجۇر، ءبىراق ول تۋىستارىمەن كەزدەسۋدەن باس تارتقان.
ءال- كۋنۋن 6 - قاڭتاردا كۋۆەيتتە وتباسىمەن بىرگە دەمالىپ جۇرگەندە تايلاندقا قاشىپ كەتكەن. ءبىراق ول بانگكوك اۋەجايىنا جەتكەن كەزدە ءتولقۇجاتىن ساۋد ارابياسى ەلشىلىگىنىڭ وكىلى الداپ الىپ قويعانىن ايتادى. ودان كەيىن قىز بانگكوك اۋەجايىنداعى قوناق ءۇي بولمەسىنەن شىقپاي قويدى. ءبىر تاۋلىكتەن سوڭ تايلاند بيلىگى راحافتى ەلىنە نەمەسە كۋۆەيتكە قايتارمايتىنىن مالىمدەدى. ونى قوناق ۇيدەن ب ۇ ۇ وكىلدەرى الىپ كەتتى.
BBC تەلەارناسىنا سۇحبات بەرگەن قىز يسلامنان باس تارتقانىن، بۇل ءىسى ءۇشىن ساۋد ارابياسىندا ونى ءولىم جازاسىنا كەسەتىنىن مالىمدەگەن.
ساۋد ارابياسىنىڭ بيلىگى سوڭعى جىلدارى ايەلدەرگە قاتىستى كەي شەكتەۋلەردى جويا باستاعانىمەن، بۇل ەلدە ايەلدەر قۇقىعى ءالى دە قاتتى شەكتەلەدى.
www.azattyq.org