سوت ۇكىمى كۇشىنە ەنگەن سوڭ ءوسيپوۆيچتى مينسكىدەگى ءولىم جازاسىنا كەسىلگەندەر وتىراتىن №1 تەرگەۋ اباقتىسىنا اۋىستىرادى.
سوت تىڭداۋىندا وسيپوۆيچ تاعىلعان ايىپتى مويىنداپ، ىسىنە وكىنەتىنىن ايتتى. ول سونىمەن قاتار جوعارعى سوتقا ۇكىم ۇستىنەن كاسساتسيالىق شاعىم تۇسىرەتىنىن مالىمدەدى. كىسى قولىنان قازا بولعان نينا كليموۆانىڭ اناسى سوت وتىرىسىنان سوڭ جۋرناليستەرگە سوتتالۋشىنىڭ ءوز ىسىنە شىن وكىنەتىنىنە سەنبەيتىنىن ايتتى. دەگەنمەن، ول سوت شەشىمىنە كوڭىلى تولاتىنىن ءبىلدىردى.
بىلتىر قاراشانىڭ سوڭىندا «زاڭسىز ريەلتورلار» دەپ اتالاتىن ءىس بويىنشا سوتتالعان ەكى ادامعا ءولىم جازاسى ورىندالعانى بەلگىلى بولعان.
بەلارۋس - ەۋروپاداعى جانە پوستسوۆەتتىك كەڭىستىكتەگى ءولىم جازاسى ءالى كۇنگە دەيىن قولدانىلاتىن جالعىز مەملەكەت. بەلارۋس زاڭدارى بويىنشا، تۋىستارىنا سوتتالۋشىنىڭ ولگەنىن ءولىم جازاسى ورىندالعانعا دەيىن حابارلانبايدى. تۋىستارى ولگەن سوتتالۋشىنىڭ ءمايىتىن سۇراي المايدى، ال ونىڭ قايدا جەرلەنگەنى جاريالانبايدى.
حالىقارالىق قۇقىق قورعاۋ ۇيىمدارى مەن ەۋروپا وداعى بەلارۋستە ءولىم جازاسىنىڭ ءالى كۇنگە دەيىن قولدانىلاتىنىن ايىپتايدى. 2017 -جىلى ساۋىردە ب ۇ ۇ- نىڭ بەلارۋستەگى ادام قۇقىعىنىڭ جاي- كۇيى ماسەلەلەرى بويىنشا ارنايى بايانداماشىسى ەلدە ءادىل سوت پەن تاۋەلسىز سوت جۇيەسى جوق بولعاندىقتان سوتتالۋشىلاردى ءولىم جازاسىنا كەسۋ - داۋلى ماسەلە ەكەنىن مالىمدەگەن.
الايدا، بەلارۋس پرەزيدەنتى الەكساندر لۋكاشەنكو ءولىم جازاسىن قولدانا بەرۋدى دۇرىس كورەتىنىن بىرنەشە رەت ايتقان.
www.azattyq.org