ەندەشە، الەم بويىنشا ءوز سۇلۋلىقتارىمەن تانىلعان بويجەتكەندەردىڭ قانداي ازاماتپەن باس قوسقانى تۋرالى Woman.ru سايتىنا سىلتەمە جاساعان NUR. KZ جازادى.
1. «ماسكەۋ ارۋى-2018» وكسانا ۆويەۆودينا، 25 جاستا
كۇيەۋى: مالايزيانىڭ بۇرىنعى كارولى مۇحاممەد V، 49 جاستا.
ءۇش جىل بۇرىن 22 جاستاعى ستۋدەنت پلەحانوۆا وكسانا ۆويەۆودينا «ماسكەۋ ارۋى» بايقاۋىندا جەڭىسكە جەتىپ، ءىرى ءسان اگەنتتىگىمەن كەلىسىمشارتقا وتىرعان. سونىڭ ارقاسىندا ول الەمنىڭ تۇكپىر-تۇكپىرىن ارالاپ، ءوزىنىڭ بولاشاق جارىمەن تانىسادى.
«ماسكەۋ ارۋى-2018» بايقاۋى ۇيىمداستىرۋشىلارىنىڭ ايتۋىنشا، ءسانقوي مەن مالايزيانىڭ بۇرىنعى كورولى وسىدان ءبىر جارىم جىل بۇرىن ەۋروپادا تانىسقان ەكەن.
2018-جىلدىڭ 22- قاراشاسىندا وكسانا مەن مۇحاممەد ەليتالىق كەشەندە تويلارىن وتكىزگەن. ال وتاۋ قۇرماي تۇرىپ يسلام ءدىنىن قابىلداعان بويجەتكەن ەسىمىن ريحانا دەپ وزگەرتىپتى.
مۇحاممەد V 2016-جىلى بەس جىلعا مالايزيا كورولى بولىپ سايلانعان. قازىرگى ۋاقىتتا ب ا ق وكىلدەرى ونىڭ تاقتان باس تارتقانىن جارىسا جازۋدا.
2. Supermodel of Russia-2005، «جەر ارۋى-2013» ولەسيا بوسلوۆياك، 29 جاستا
كۇيەۋى: فەدەراتسيا كەڭەسىنىڭ ماسكەۋلىك مۇشەسى ۆلاديمير كوجين، 59 جاستا.
ولەسيا Supermodel of Russia-2005 بايقاۋىندا 2005-جىلى توپ جارادى. كەيىننەن «رەسەي كوركى-011» جانە «جەر ارۋى-2013» سايىستارىندا باق سىنايدى.
ولەسيانىڭ قاسىندا ەر-ازاماتتار كوپ جۇرگەنىمەن ونىڭ تاڭداۋى ۆلاديمير كوجينگە تۇسكەن. ساياساتكەر ول ۋاقىتتا رەسەي پرەزيدەنتىنىڭ اسكەري-تەحنيكالىق سەرىكتەستىك بويىنشا كومەكشىسى قىزمەتىن اتقارىپ جۇرگەن ەكەن.
وسىلايشا، عاشىقتار 2014-جىلى ارحانگەلسك قالاسىندا ۇلكەن توي وتكىزەدى. كەشتە بوسلوۆياكتىڭ دوستارى مەن پرەمەر-مينيستر دميتيي مەدۆەديەۆ تە بوي كورسەتەدى.
3. «الەم ارۋى-2000»، تانىمال اكتريسا پريانكا چوپرا، 36 جاستا
كۇيەۋى: مۋزىكانت، اكتەر نيك دجونس، 26 جاستا.
كىشكەنتايىنان ۇياڭ بولىپ وسكەن پريانكا چوپرا 2000-جىلى «ءۇندىستان ارۋى»، ارتىنشا «الەم ارۋى» بايقاۋىندا باق سىناپ، جەڭىس تۇعىرىنان كورىنەدى.
پريانكانىڭ تابىنۋشىلارى كوبىنە ءۇندىستاننىڭ كاسىپكەرلەرى مەن اكتەرلەرى بولعان. الايدا اكتريسانىڭ تاڭداۋى وزىنەن 10 جاس كىشى امەريكالىق مۋزىكانتقا تۇسكەن.
وتكەن جىلدىڭ جەلتوقسان ايىندا پريانكا مەن نيك ءۇندىستاندا ۇلكەن توي وتكىزدى. سالتاناتتى شارا ءبىر اپتاعا جالعاستى.
4. «رەسەي ارۋى-2001»، «عالام ارۋى-2002» وكسانا فەدوروۆا، 41 جاستا
كۇيەۋى: رەسەي فەدەراتسياسى پرەزيدەنتى اكىمشىلىگىنىڭ قىزمەتكەرى اندرەي بورودين، 47 جاستا.
فەدوروۆا وكسانا 1999-جىلى «سانكت-پەتەربۋرگ ارۋى» اتانىپ، ارتىنشا «رەسەي اۋرى»، «عالام ارۋى» بايقاۋلارىندا توپ جارادى.
ارۋ فەدەرالدى قاۋىپسىزدىك قىزمەتىنىڭ بۇرىنعى وفيتسەرىمەن ارا-قاتىناس تۋرالى ءبىراز ۋاقىت ءتىس جارماعان. الايدا، ول 2011-جىلدىڭ كۇز ايلارىندا تۇرمىسقا شىققانىن حابارلادى. جۇپتىڭ ۇيلەنۋ تويى جاسىرىن تۇردە ءوتىپتى.
5. «الەم ارۋى-1994»، اكتريسا ايشۆاريا راي، 45 جاستا
كۇيەۋى: تانىمال اكتەر ابحيشەك باچچان، 42 جاستا.
1994-جىلى الەمدى سۇلۋلىعىمەن تامساندىرعان ايشۆاريا رايدىڭ تابىنۋشىلارى از بولمادى. الايدا جۇلدىزدىڭ جۇرەگىن تەك اكتەر ابحيشەك باچچان عانا جاۋلاي العان.
ابحيشەك 2007-جىلى ايشۆاريا رايعا سەزىمىن ءبىلدىرىپ، وتاۋ قۇرادى. 2011-جىلى جۇبايلاردىڭ العاشقى قىزدارى دۇنيەگە كەلگەن. 11 جىل بىرگە تۇرعان ۋاقىتىندا بۇل جۇپ ەشقانداي داۋعا دا ىلىككەن جوق.
6. «الەم ارۋى-2014» رولين ستراۋسس، 26 جاستا
كۇيەۋى: كاسىپكەر دي'نيل ستراۋسس، ناقتى جاسى بەلگىسىز.
وڭتۇستىك افريكا رەسپۋبليكاسىنىڭ تۇرعىنى 2014-جىلى «الەم ارۋى» اتاعىن يەلەنىپ، تابىنۋشىلارىنىڭ سانىن ارتتىرادى.
ارۋدى ۇناتقان جىگىتتەر كوپ بولعانىمەن ونىڭ تاڭداۋى كاسىپكەر رولين ي دي'نيلگە تۇسكەن. ولار 2016-جىلى اقپان ايىندا شاڭىراق كوتەرىپ، ءبىر جىلدان كەيىن اتا-انا اتانادى.