مەرۋەرت تۇسىپبايەۆا كۇيەۋىمەن نە ءۇشىن اجىراسىپ كەتكەنىن ايتتى

 استانا. قازاقپارات - ءانشى، اكتريسا مەرۋەرت تۇسىپبايەۆا «كليپ شوۋ» باعدارلاماسىنا سۇحبات بەرىپ، كۇيەۋىمەن نە سەبەپتى اجىراسىپ كەتكەنىن ايتىپ، جان سىرىن اقتارعان.

«مەنىڭ ەكى بەينەبايانىما مەنىڭ كۇيىم تۇسكەن. ول ءوزى تۇسكىسى، تانىمال بولعىسى كەلدى. ءبىز قاراپايىم ستۋدەنتتەر بولدىق. ءبىراق مەن اياق استىنان اتاقتى بولىپ كەتكەندە كۇيەۋىم مۇنى كوتەرە المادى. ءبىراز ماسەلەلەر بولدى ارادا. سەگىز جىل بىرگە تۇرىپ، اجىراسۋعا شەشىم قابىلدادىق. مەن اجىراسۋ كەرەك دەپ شەشىم قابىلدادىم. ءارى قارايعى ءومىرىمدى مۇلدە بولاتپەن بىرگە ەلەستەتە المادىم. سەبەبى مەنىڭ ەر ازاماتقا دەگەن ءوز تالاپتارىم بولدى. ال ول مەنىڭ تالاپتارىما ساي كەلمەدى. ەكى ادامنىڭ دەڭگەيى ءبىر-بىرىنە ساي كەلمەگەن سوڭ اجىراسىپ كەتەدى. سونداي سەبەپتەرمەن ءبىزدىڭ بىرگە تۇرۋىمىز مۇمكىن بولماي قالدى» - دەيدى ءانشى.

ءبىراق ءانشى اجىراسقاننان كەيىن قينالعانىن، سونىڭ ناتيجەسىندە «اق جاۋىن» ءانى دۇنيەگە كەلگەنىن ايتقان. كەيىن ول وتباسىلى ەر ازاماتقا عاشىق بولىپ، «مۇڭىم مەنىڭ» دەگەن ءانىن جارىققا شىعارعان. ءبىراق ول ادامنىڭ وتباسى بولعاندىقتان، شاڭىراعىن شايقالتپاۋدى ءجون كورگەن.