ديماش قۇدايبەرگەن پەتروپاۆلدا جەكە كونسەرتىن وتكىزۋى مۇمكىن
500 كورەرمەنگە ارنالعان مادەنيەت وشاعىنىڭ قۇرىلىسى باستالىپ كەتتى. ونى تامىزدىڭ سوڭى - قىركۇيەكتىڭ باسىنا قاراي اياقتاۋ جوسپارلانعان. جەرگىلىكتى بيلىك جاڭا تەاترعا ۇلكەن ءۇمىت ارتىپ وتىر.
«ءبىز قازىردىڭ وزىندە گاسترولدەر تۋرالى كەلىسسوز جۇرگىزىپ جاتىرمىز. اشىلۋ سالتاناتىنا ديماش قۇدايبەرگەن، «ا- ستۋديو» توبى كەلگەنىن قالايمىز. ءبىز ولاردىڭ جەكە كونسەرتتەرىن وتكىزۋ تۋرالى كەلىسىپ تە قويدىق. پەتروپاۆلدا كەم دەگەندە جىلىنا ءبىر رەت ۇلكەن شارا وتكىزۋگە ءتيىسپىز. كوپتەگەن ويلار بار. وسى ماسەلە بويىنشا ۇكىمەتپەن جۇمىس ىستەپ جاتىرمىز. كۇندىز مۇندا شارالار وتەدى، كەشكىسىن قازاقستاندىق جۇلدىزداردى ناسيحاتتاۋ ءۇشىن كونسەرتتەر بولادى»، - دەيدى سولتۇستىك قازاقستان وبلىسىنىڭ اكىمى قۇمار اقساقالوۆ.
تەاتر «جاس وركەن» شاعىناۋدانىندا بوي كوتەرمەك. مۇندا كوپ قاباتتى تۇرعىن ۇيلەر كوبەيە باستادى، زاماناۋي وقۋشىلار سارايى سالىندى، كوپكە ورتاق تەننيس ورتالىعى دا بار، بۇدان تىس مەكتەپ، ۇيلەر سالىنىپ جاتىر.