بۇل تۋرالى جەكسەنبى كۇنى كورولدىك ساراي تاراتقان حاباردا ايتىلعان، دەپ جازادى تاسس.
«كورول بارلىق تالاپتاردى ساقتاي وتىرىپ تاقتان باس تارتقانى تۋرالى رەسمي حات جولدادى»، - دەلىنگەن حابارلامادا. جوعارى بيلەۋشى، سونداي-اق، ءوزىن سايلاعان بيلەۋشىلەر كەڭەسىنە (مۇراگەر سۇلتاندار) العىس ايتقان.
ونىڭ نە سەبەپتى تاقتان باس تارتقانى تۋرالى مالىمەت جوق.
ايتا كەتەيىك، ول 2016 -جىلى ساۋىردە بيلەۋشىلەر كەڭەسىنىڭ (مۇراگەر سۇلتاندار) 9 مۇشەسى قۇپيا تۇردە داۋىس بەرۋى ارقىلى 5 جىلعا سايلانعان.
مۋحامماد 1969-جىلى ومىرگە كەلگەن. كەلانتان شتاتىنىڭ سۇلتانى، ۇلى بريتانيادا ديپلوماتيالىق ءبىلىم العان.