لوندون، دۋباي، كانادادا تۇرىپ، شەتەلدە ءبىلىم العان ول Stan.kz اقپاراتتىق اگەنتتىگىنىڭ تىلشىسىنە كوشپەندى ءومىر سالتىنان نە تۇيگەنىن، يسپاندىقتاردىڭ قازاقتارمەن ۇقساستىعىن، نەلىكتەن ۇيلەنۋ تويىن پاكىستاندا وتكىزگەنىن جانە قازاقستانعا نەگە قايتىپ كەلگىسى كەلمەيتىنىن ايتىپ بەردى.
ءاليا، الدىمەن ءوزىڭىز جايلى ايتىپ بەرسەڭىز. بالا كۇنىڭىزدە قانداي ءومىردى ارماندادىڭىز؟
بالالىق شاعىم 80 -جىلدارداعى كەڭەستىك بالالاردىكىمەن بىردەي ءوتتى. بالاباقشا، وكتيابرياتا. كەڭەس ۇكىمەتى جويىلعان سوڭ، جاعداي كومسومولعا دەيىن جەتكەن جوق. مەن وتە ۇيالشاق، تۇيىق بالا بولدىم. تەلەفونعا جاۋاپ بەرۋگە، كىم كەزەكتە سوڭعى دەپ سۇراۋعا ۇيالاتىنمىن. ناتيجەسىندە، كەزەكتە ەكى رەت تۇراتىنمىن.
كىتاپ وقىعاندى قاتتى جاقسى كورەتىنمىن. ۇيدەگى ۇلكەن كىتاپحاناداعى كىتاپتاردىڭ بارلىعىن وقىپ شىقتىم. تەك لەنيننىڭ ەڭبەكتەرىمەن تانىسىپ ۇلگەرمەدىم. مەنىڭ شامالى عانا دوستارىمدى بالا كۇندەرى اتا- انالارى كىتاپ وقۋعا ماجبۇرلەسە، مەنىڭ انام مەن اكەم كىتاپ وقىپ كوزىن قۇرتىپ الادى ما دەپ قورقاتىن. بارىنەن دە ەرتەگىلەردى جاقسى كورگەن سوڭ، بالا كۇنىمدە سيقىرشى بولۋدى ارماندادىم. قاراپايىم ماماندىقتاردى قاراستىرمايتىنمىن.
ال ۇيالشاقتىعىممەن ىڭعايلى زونادان شىعۋ جولى ارقىلى ءومىر بويى كۇرەسىپ شىقتىم. العاشىندا كوممۋنيكاتيۆتىك داعدىلارىمدى دامىتۋ ءۇشىن اۋەكومپانيانىڭ قىزمەت كورسەتۋ ورتالىعىنا جۇمىسقا ورنالاستىم. ول جەردە ماعان كليەنتتەرمەن ورىس جانە اعىلشىن تىلدەرىندە سويلەسۋگە تۋرا كەلدى. سوسىن ۇزاق ۋاقىت بويى بانكتە ينۆەستورلارمەن بايلانىس ءبولىمىن باسقاردىم. وندا جوعارعى دەڭگەيدە شەتەلدىك ينۆەستورلارمەن كەزدەسۋلەر ۇيىمداستىردىم. ولارعا بانك جانە ونىڭ قارجىلىق قورىتىندىلارى جايلى ايتىپ بەرەتىنمىن.
ءبىز الەۋمەتتىك جەلىدەگى پاراقشاڭىزدان ءسىزدىڭ دۋبايدا، لوندوندا، كانادادا وقىعانىڭىزدى بىلەمىز. وسىنداي كوشپەندى ءومىر سالتى سىزگە نە بەردى؟
مەن دۋباي مەن لوندوندا London Business School وقۋ ورنىنا م ۆ ا العان كەزدە دۋباي مەن لوندوندا ءبىر- ءبىر جىلدان وقىپ شىقتىم. وقۋ ماعان ەڭ ماڭىزدىسى ارالاساتىن ادامداردىڭ ورتاسىن، وي- ءورىسىمدى كەڭەيتىپ بەردى. مەن ءارتۇرلى ەلدەردە ادامداردىڭ قالاي تۇراتىنىن، قالاي جۇمىس ىستەيتىنىن، ولار كاسترولدەن اۆياتسياعا دەيىن اينالىسۋعا بولاتىن بارلىق نارسەلەرمەن اينالىساتىنىن كوردىم. ءبىزدىڭ سىنىپتا وتە كوپ جەكە كاسىپكەرلەر بولاتىن. جانە مەن، ياعني بانك قىزمەتكەرى، ءوزىمدى جاڭا سالادا سىناپ كورگىم كەلدى. سوندا مەن ءوز ىسىممەن اينالىسۋ تۋرالى ويلانا باستادىم. ءبىراق ناقتى نەنى قولعا الارىمدى بىلمەدىم.
وقىپ ءجۇرىپ، كوشىپ بارۋ ءۇشىن لوندوندى دا، دۋبايدى دا قاراستىردىم. ءبىراق دۋبايدىڭ كليماتى ماعان ونشا ۇنامادى. جىلدىڭ باسىم بولىگىن سالقىنداتقىشتىڭ استىندا وتكىزۋ قاجەتتىلىگى مەنى شابىتتاندىرمايتىن.
ال لوندوندا تۇرۋ مەنىڭ كوزقاراسىم بويىنشا وتە قىمبات. بالانس بۇزىلعان. باسەكەلەستىكتىڭ دەڭگەيى وتە جوعارى. مەن مانسابىمنىڭ العاشقى كەزەڭىندەگىدەي اپتاسىنا 80-100 ساعات جۇمىس ىستەۋگە دايىن ەمەس ەدىم. ونىڭ ۇستىنە جەرگىلىكتى جاستار مادەنيەتىنىڭ ەرەكشەلىگىن ەسكەرە قىزىمنىڭ ول جەردە وسكەنىن قالامادىم. ەڭ باستىسى، ۇيرەنىپ قالعان ومىرىمنەن باس تارتۋ ماعان وتە قورقىنىشتى بولىپ كورىندى.
قازىر يسپانيادا تۇرىپ جاتىرسىز. ونداعى ءومىردىڭ ارتىقشىلىعى مەن كەمشىلىگى قانداي؟ يسپاندىقتار مەن قازاقتاردىڭ اراسىندا ۇقساستىق بار ما؟ جانە سول ەلدىڭ ازاماتتارىنان نەنى ۇيرەندىڭىز؟
مەن ءىرى سالىمدارسىز يسپانياعا ءبىر جىلعا كەتىپ قالۋ مۇمكىندىگى جايلى ەستىگەندە، باعىمدى سىناپ كورگىم كەلدى. ەگەر بىرنارسە ۇناماسا، ءاردايىم قايتىپ كەلۋگە بولادى عوي. شەتەلدە تۇرا الامىن با، تۇرا المايمىن با، ماعان سول قىزىقتى ەدى. ءسويتىپ «ىستەمەگەنىڭە وكىنگەنشە، ىستەپ وكىنگەن جاقسىراق» دەگەن ۇرانىمدى قولدانۋدى ءجون كوردىم.
يسپانياعا كەلگەندە ءبىرىنشى كەزەكتە يسپان ءتىلىنىڭ ساباقتارىنا جازىلدىم. ينستاگرامدا كۇندەلىك جۇرگىزە باستادىم. ول 3 ايدىڭ ىشىندە ءتورت- ەسە ءوستى. باسىندا ادامداردىڭ مەنىڭ ءومىرىم جايلى جازبالاردى قىزىعىپ وقيتىنى مەنى تاڭعالدىردى. ءبىراق، جاسىرۋدىڭ قاجەتى جوق، جاقسى تاڭعالدىردى. سوسىن سونشاما كىتاپتى وقىعان سوڭ، ءوزىم كەي كەزدە كىتاپ جازۋدى باستاعىم كەلەتىن.
جۇلدىزدار توعىسىپ، قالاعانىمنىڭ بارلىعى يسپانيادا ورىندالدى. ونىڭ ۇستىنە ءوزىم ەكى جىل كولەمىندە جۇگىرۋدى جوسپارلاعانمىن. جۇگىرە باستادىم.
وقىرمانداردىڭ پىكىرلەرىن نەگىزگە الا وتىرىپ ءوزىمنىڭ جۇمىسىما ەكى باعىتتى تاڭدادىم. ءبىرى جىلجىمايتىن مۇلىك، ەكىنشىسى تۇرۋعا ىقتيارحات الىپ بەرۋ.
يسپانيا مەن ءۇشىن كەزەكتى تاڭداۋ بولعان جوق. تۇبىندە وتە كەرەمەت شەشىم بولىپ شىقتى. ءبىز قىزىم ەكەۋمىز بۇل جەردە ءوزىمىزدى جايلى سەزىنەمىز. فرانسيادا مەنىڭ اعىلشىنىما جەرگىلىكتى تۇرعىندار دۇشپاندىلىقپەن قارايتىنى ەسىمدە. ايتقانىمدى سوڭىنا دەيىن تىڭداماي، بۇرىلىپ كەتەتىن.
يسپاندىقتار ءومىردى وتە جەڭىل قابىلدايدى. بۇنىڭ وڭ جانە كەرى تۇستارى دا بار. مىندەتتىلىكتىڭ جانە پۋنكتۋالدىقتىڭ جوقتىعى. بۇل جاقسى كوڭىل- كۇي مەن دوستىقتىڭ كەرى تۇسى. ولاردىڭ قازاقتارمەن ورتاق بىرنارسەسى بولعاندىقتان، ءبىز بۇل جەردە ءوزىمىزدى ۇيدەگىدەي جاقسى سەزىنەمىز.
سونداي- اق يسپاندىقتار ءۇيلى- باراندى ادامدار. دەمالىس كۇندەرى وزدەرىنىڭ شۋلى وتباسىلارىمەن كافەلەردە جينالادى. باسقا جاعىنان العاندا، يسپاندىقتار بىزگە قاراعاندا سىرتقى جىلتىرعا دا جەڭىل قارايدى. كىشكەنتاي كولىك، كىشكەنتاي پاتەر، كيىم ءوز- ءوزىڭدى دالەلدەۋ ءتاسىلى ەمەس، فۋنكسيا سياقتى.
وسى ماعان ۇنايدى. جانە مەن ولاردان وسىنى ۇيرەنەمىن. ورتا دەڭگەيدەگى يسپاندىق سياقتى ءومىر ءسۇرۋ ءۇشىن اسپاننان جۇلدىز الۋدىڭ قاجەتى جوق. ءومىر سۇرگەنگە جەتسە بولعانى. ەگەر ءسىز مۇندا كوشەدەن كەرەمەت كولىكتى كورسەڭىز، وندا ول قىتايلىق نەمەسە ت م د- دان شىققان بىرەۋ ەكەنىن ءبىلىڭىز.
يسپاندىقتاردىڭ وزىنە ول جاقتا جۇمىسقا ورنالاسۋ قيىن دەپ ايتىپ جاتادى...
ەۋروستاتتىڭ مالىمەتى بويىنشا، جۇمىسسىزدىق دەڭگەيى 15,2 پايىز. ەۋروپاداعى ەڭ جوعارعى دەڭگەيلەردىڭ ءبىرى. بۇل - شىندىق. مەنىڭ ويىمشا، بۇعان يسپاندىقتاردىڭ كونبىس بولعانى سەبەپ. مۇمكىن ولار جاردەماقىعا ءومىر سۇرگەن سوڭ، بارىنا قاناعات ەتەتىن شىعار. ءوز باسىما جۇمىسقا ورنالاستىرۋ، وقىتۋ جايىندا بىرنەشە ۇسىنىستار ءبىلدىرىپ، بىرنەشە پاراقشالار بەرگەن. يسپانيانىڭ مەديتسيناسى وتە جاقسى. جانە ءومىر ءسۇرۋ ۇزاقتىلىعى جوعارى. بارسەلونادا قايىرشىلار مەن ءۇي- كۇيى جوق كەزبەلەر كوپ ەمەس، سوسىن ولار اشۋشاڭ ەمەس.
سول ەلدە تۇرىپ جاتقان قازاقستاندىقتارمەن ارالاساسىز با؟
ارينە، ءوزىمىز بۇل ەلدە كوپ ەمەسپىز. ءوزىڭنىڭ ادامدارىڭمەن، ياعني ورىسشا سويلەيتىن جاندارمەن ارالاسقان جاقسى. ۇيرەنىپ قالعان ومىرىڭنەن جانە ءوز تىلىڭدە سويلەسۋ مۇمكىندىگىنەن ايىرىلىپ قالۋ - كوشىپ كەتكەندەر ءۇشىن ەڭ كۇشتى سىناق.
قىزىڭىزدىڭ اكەسىمەن قالاي جانە قاي جەردە تانىستىڭىزدار؟ بۇرىنعى كۇيەۋىڭىز وزگە ۇلتتىڭ ازاماتى بولعان ەكەن. ەگەر ەكىنشى رەت تۇرمىسقا شىعىپ جاتساڭىز، تاڭداۋىڭىز قازاق جىگىتىنە تۇسەدى مە؟
بۇرىنعى كۇيەۋىممەن ۋنيۆەرسيتەتتە تانىستىم. ونىڭ اكەسى الماتىداعى پاكىستاندىق ەلشىلىكتە جۇمىس ىستەيتىن. ءبىز ءبىر- بىرىمىزبەن جالپى العاندا 16 جىل ارالاستىق. 16 جىلدىڭ توعىزىندا نەكەدە تۇردىق. ورتاق نارسەلەرىمىز بولماعان سوڭ، پاراللەلدى الەمدەردە ءومىر سۇرگەننەن كەيىن، جولدارىمىز ەكىگە ايىرىلدى.
تۇسىنگەنىڭىزدەي، ەر ادامدى تاڭداعاندا مەن ءۇشىن ونىڭ ۇلتى ولشەم ەمەس. ونىمەن بىرگە بولعان ماعان قىزىقتى ما. باستىسى سول. اجىراسقاننان كەيىن نەگىزى قازاقتارمەن كەزدەسىپ ءجۇردىم.
پاكىستاندا وتكەن تويىڭىز جايلى ايتىپ بەرسەڭىز. ينستاگرامداعى جازباڭىزدان تويىما جارتى مەملەكەت جينالعانداي كورىندى دەپ جازعان ەدىڭىز. ءبىز قازاقتار سياقتى 500 ادامعا ەشبىر ۇلت توي جاسامايدى دەپ ويلايمىز عوي.
پاكىستاندىقتار توي تويلاعاندى بىزدەن دە قاتتى جاقسى كورەدى.
بىزگە دەلەگاتسيانى جيناپ، سول ەلگە بارۋ كەرەك ەدى. پاكىستانعا مەنىمەن بىرگە انام، تاتەم مەن كوكەم، قۇربىم اتتاندى. ءبىزدى ول جاقتا ۇلكەن سەرپىنىسپەن قارسى الدى. قارسى الۋعا كۇللى اۋىل شىقتى. كولىكتىڭ الدىندا بىرنەشە ترانسۆەستيتتەر بيلەپ كەلە جاتتى. ولار پاكىستاندا باقىت نۇرىنا بولەنگەن ادامدار سانالادى. جانە سول ەلدەگى تويلاردىڭ بارلىعىندا بيلەپ، اقشا جينايدى. تۋىسقاندار جىگىت پەن قالىڭدىققا دالمە- ءدال ايتقاندا اقشا شاشىپ تاستايدى.
كەلەسى كۇنى قىز كورۋ سالتى بولدى. مەنى ءۇيدىڭ اۋلاسىنا وتىرعىزىپ قويدى. جانە اۋىلدىڭ بارلىق ايەلدەرى مەنى كورۋگە كەلدى. قۇربىممەن، قايىن اپالارىممەن سويلەسىپ وتىردىم. باسقا ەشكىم اڭگىمە ايتقان جوق. تەك قانا قاراپ، جاقسىراق كورىپ الۋ ءۇشىن كەيدە وڭعا، سولعا بۇرىلۋىمدى سۇرادى.
سوسىن ۇيلەنۋ تويى بولدى. ماعان تويعا جارتى مەملەكەت قاتىسقانداي كورىندى. ۇلكەن الاڭعا داستارحان جايىلدى. سانسىز تاماق. وركەستر ويناپ، بي بيلەندى. اقشادان كونفەتتي شاشىلدى. مەنىڭ باسىما ينديادان شىققان اۋىر جامىلعىشى بار ءۇش كيلوگرامدىق كۇمىسپەن كەستەلەنگەن ادەمى كۇرەڭ بارقىتتى كوستيۋمدى كيگىزىپ قويدى. باسىمدى قىسىپ تۇرسا دا، ادەمى كورىندى.
ارتىنشا بارلىعىمىز اۋىرىپ قالدىق. اتامىز ءبىزدى دۋادان ەمدەپ جازدى. پاكىستاندىقتار قارا كۇشكە، ءسوز تيۋ سىندى دۇنيەلەرگە قاتتى سەنەدى. ءبىراق، مەنىڭ ويىمشا اعزامىز جىلۋدىڭ جوقتىعىنا، ىستىق ەلدەردە ەدەندى مۇزداي مرامورمەن جابدىقتايتىنىنا بەيىمدەلىپ ۇيرەنبەگەن سوڭ، اۋىرىپ قالدىق. ءبىز ول مەملەكەتتە بىرنەشە اپتا وتكىزدىك.
تاڭعى اسقا بىزگە قارا ۇننان جاسالعان قوسپاسى بار جانە قوسپاسى جوق ەڭ ءتاتتى شەلپەكتەردى جاساپ بەرەتىن. ال تۇسكى جانە اسقا سول شەلپەكتەردىڭ ىشىنە از كولەمدە دامدەۋىشتەر سالۋعا تىرىساتىنبىز. ءبىراق تاعام ءبىز ءۇشىن ءبارىبىر اشى بولاتىن. تۇبىندە ءبىز شىداماي، ەت پەن كارتوپ قايناتىپ بەرۋدى سۇرادىق. تۇزدىق جاساپ، بارلىعىن ۇلكەن ىدىسقا سالدىق. ومىرىمدە ەشقاشان ونداي ءدامدى بەسبارماق جەمەپپىن. بۇرىن ماعان سونىڭ بارلىعى جابايى كورىنەتىن. قازىر ەسىمە السام ىستىق ەستەلىكتەر ەكەنىن تۇسىنەمىن.
ترانسۆەستيتتەردى كورگەندە تۋىسقاندارىڭىز قاتتى تاڭقالعان شىعار
تويدا بيلەپ، اقشا جيناعان ترانسۆەستيتتەردى تۋىسقاندارمەن تالقىلاعان جوقپىز. ءبىراق، ولاردى كورگەندە تۋىسقانداردىڭ قانداي شوكتا بولعانىن ەلەستەتە الامىن. سەبەبى، ءوزىم دە قاتتى تاڭعالدىم.
كەيبىرەۋلەر شەتەلدە ءوز- وزدەرىنە جاۋاپكەرشىلىكتى الا المايدى. سىزگە كىشكەنتاي قىزىڭىزبەن وزگە مەملەكەتتە تۇردىڭىز. ايا دۇنيەگە كەلگەندە كىم كومەكتەسىپ، جانىڭىزدان تابىلدى؟
ايا كانادادا تۋىلدى. ول جەردە بۇرىنعى جۇبايىمنىڭ جانۇياسى ءومىر سۇرەدى. ولار ماعان دارىگەردى جانە پەرزەنتحانانى تابۋعا كومەكتەستى. ايا تۋىلعاننان كەيىن بىرنەشە اي بويى سولاردىڭ قولىندا تۇردىق. مەندە كاناداعا كوشىپ بارۋ تۋرالى وي بولعان. دەگەنمەن ول جەرگە جاستاردىڭ بارعانى ءجون.
نەلىكتەن قازاقستانعا قايتىپ كەلمەۋ تۋرالى شەشىم قابىلدادىڭىز؟
وسى جىلدى يسپانيادا وتكىزەمىز. سەبەبى، سوعان كوپ كۇش پەن اقشا جۇمسالدى. قازاقستانعا قايتىپ كەلگىمىز كەلمەيدى. سەبەبى، يسپانيادا ايا ەكەۋمىز اللەرگيامىزدان قۇتىلدىق. وكپەممەن پروبلەمالارىم بولاتىن، سولاردان قۇتىلدىم. مەنىڭ اللەرگيام بىرنەشە جىل بۇرىن باستالعان. سوڭعى ەكى جىلدىڭ ىشىندە قىس سايىن پنيەۆومانيام بولعان. وسى جىلى ەكەۋى دە بولمادى. العاش رەت كوشىپ كەتۋ تۋرالى وي ءبىر جىل بۇرىن، بالام ءبىر اي كولەمىندە دەمالا الماي قالعاندا، ال مەن تەرەزەدەن قالا توبەسىندە تۇرعان تۇمشانى باقىلاعانىمدا پايدا بولدى. سۋرەتتەردەن بايقاعانىمداي بۇل ماسەلە ءالى شەشىلمەگەن.
Stan.kz