ارنايى شەشىم رەسمي تۇردە كۇشىنە ەندى. ەندى ەكى مەملەكەت تە مۇشەلىك جارنا تولەمەيدى. سونداي- اق يۋنەسكو- نىڭ بۇكىلالەمدىك مۇرا كوميتەتىنە سايلانۋ مۇمكىندىگىن جوعالتادى. دەگەنمەن، بۇل سەرىكتەستىككە نۇكتە قويىلدى دەگەن ءسوز ەمەس. قۇراما شتاتتار ۇيىمدا تۇراقتى باقىلاۋشى رەتىندە قالۋدى جوسپارلاپ وتىر.
ايتا كەتەيىك، 2017 -جىلى 12- قازاندا ا ق ش يۋنەسكو قۇرامىنان شىعاتىنىن جاريالاعان. ۆاشينگتون ۇيىمدى «يزرايلگە قارسى باعىت ۇستانادى» دەپ ايىپتايدى.
يزرايل بۇعان دەيىن يۋنەسكو- نى يەرۋساليمدەگى نەمەسە پالەستينا تەرريتورياسىنداعى مادەني مۇرالارعا قاتىستى داۋدا «پالەستينالىقتار جاعىنا شىعىپ كەتتى» دەپ بىرنەشە رەت ايىپتاعان.
يزرايل 2016 -جىلى يۋنەسكو يەرۋساليمنىڭ شىعىسىنداعى ءال- اقسا مەشىتى ورنالاسقان اۋماقتى مۇسىلمانداردىڭ عۇرىپتىق ورنى دەپ كورسەتكەن قارار قابىلداعان سوڭ ۇيىمعا مۇشەلىگىن توقتاتقان. بۇل اۋماقتى ەۆرەيلەر حرام تاۋى دەپ اتايدى. ءبىراق قاراردا ەۆرەي حالقىنىڭ بۇل ورىنمەن بايلانىسى كورسەتىلمەگەن.
يۋنەسكو - ب ۇ ۇ- نىڭ ءبىلىم بەرۋ، عىلىم جانە مادەنيەت جونىندەگى ۇيىمى. ول 1945 -جىلدان بەرى جۇمىس ىستەيدى. 2011 -جىلى يۋنەسكو قۇرامىنا پالەستينا اۆتونومياسى قابىلدانعان. ا ق ش پەن يزرايل بۇعان قارسى شىققان.
www.24.kz