ەلباسى رەسەي پرەزيدەنتى ۆلاديمير پۋتينگە كوڭىل ايتتى
07:53, 03 - قاڭتار 2019
استانا. قازاقپارات - مەملەكەت باسشىسى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتۋ جەدەلحاتىن جولدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى ماگنيتوگورسك قالاسىندا تۇرعىن ۇيدەگى جارىلىستىڭ سالدارىنان ادامداردىڭ قازا بولعانى تۋرالى حاباردى زور كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان قازا بولعانداردىڭ تۋىستارى مەن جاقىندارىنىڭ قايعىسىنا ورتاق ەكەنىمدى جەتكىزۋىڭىزدى سۇرايمىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، - دەلىنگەن جەدەلحاتتا.
ەسكە سالا كەتەيىك، رەسەيدىڭ ماگنيتوگورسك قالاسىنداعى تۇرعىن ۇيدە بولعان جارىلىستان 19 ادام قازا تاپتى، 25 تۇرعىننىڭ تاعدىرى ءالى بەلگىسىز.