مەملەكەتتىك ساتىپ الۋ ۆەب-پورتالى اتالمىش قۇجاتتاعى جاڭا تالاپتاردى جاريا ەتتى. زاڭداعى ەڭ نەگىزگى جاڭالىق - مەملەكەتتىك ساتىپ الۋلار ۆەب-پورتالىن پايدالانۋدىڭ اقىلى تۇرگە اۋىسۋى.
2019-جىلعى 1- قاڭتاردان باستاپ مەملەكەتتىك ساتىپ الۋلار ۆەب-پورتالىن پايدالانۋ (پورتالعا كىرۋ) قىزمەتىن الەۋەتتى جەتكىزۋشى اقىلى نەگىزدە كورسەتەدى.
وسىعان بايلانىستى، مەملەكەتتىك ساتىپ الۋلار ۆەب-پورتالىنا كىرۋدى الەۋەتتى جەتكىزۋشى ءتيىستى شارت جاسالىپ، قىزمەتتەردىڭ اقىسى تولەنگەن سوڭ قامتاماسىز ەتەدى. سونىمەن قاتار، قىزمەتتىڭ قۇنى ءوتىنىشتىڭ ەڭ جوعارى قۇنى (قاتىسۋ ءۇشىن جەتكىزۋشى تاڭداعان لوتتاردىڭ جوسپارلى سوماسىنان) نەمەسە جاسالىپ وتىرعان شارت (شارتتىڭ جوسپارلى سوماسىنان) نەگىزىندە جاسالادى، شەكتەۋ ءاربىر وتىنىشكە جانە شارتقا جەكە قولدانىلادى (تولەنگەن كەزەڭ بارىسىندا بەرىلەتىن وتىنىشتەر مەن شارتتاردىڭ سانى شەكتەلمەيدى).
قىزمەتكە جىلىنا ءبىر رەت تولەنەدى. «ەلەكتروندىق كوممەرتسيا ورتالىعى» ا ق اقشا اۋدارۋ ارقىلى تولەۋ ءۇشىن رەكۆيزيتتەرىن ۇسىندى. قىزمەت كورسەتۋدى مەيلىنشە بەيىمدىرەك ەتۋ ءۇشىن مەملەكەتتىك ساتىپ الۋلار ۆەب-پورتالىنداعى جەكە كابينەتتەردە «ەلەكتروندى ءاميان» اشىلىپ، وعان اقشالاي قاراجاتتار اۋدارىلادى، وسى ءامياننان قىزمەتتەرگە اقى تولەۋگە بولادى.
ەسكە سالا كەتسەك، ق ر پرەزيدەنتى نۇرسۇلتان نازاربايەۆ 27- جەلتوقساندا مەملەكەتتىك ساتىپ الۋلاردى جەتىلدىرۋگە باعىتتالعان زاڭعا قول قويدى. ال، ق ر قارجى مينيسترلىگى اتالمىش قۇجاتقا قانداي تولىقتىرۋلار ەنگىزىلگەنىن ءتۇسىندىرىپ بەرگەن ەدى.