بيىلعى جىلدىڭ ۇزدىك تەلەحيكاياسى انىقتالدى

استانا. قازاقپارات - ەلەنا فەررانتە جازعان كىتاپتىڭ جەلىسىمەن تۇسىرىلگەن «مەنىڭ تاماشا قۇربىم» فيلمى 2018 -جىلدىڭ ۇزدىك تەلەحيكاياسى اتاندى.

 Metacritic كورەرمەندەردىڭ پىكىرلەرى نەگىزىندە جاسالعان رەيتينگتى جاريالادى، دەپ حابارلايدى قازاقپارات.

ەكىنشى ورىن «بارري» اتتى قارا كومەدياعا بۇيىردى. ونىڭ سيۋجەتىنە ءساتسىز كيللەردىڭ باستان كەشكەندەرى ارقاۋ ەتىلگەن. باس رولدە - بيلل حەيدەر.

ۇزدىك ۇشتىكتى «ەۆانى ولتىرگەن كەزدە» دراماسى تۇيىندەدى. تەلەحيكايا ليۋك دجەننينگستىڭ MI5 اناليتيگى ەۆا پولاستري جايىنداعى رومانىنىڭ جەلىسىمەن تۇسىرىلگەن.

قازىرگى امەريكاداعى مەديا ورتا تۋرالى باياندايتىن «ەركىن سامعاۋدا» فيلمى ءتورتىنشى ورىنعا، باس كەيىپكەرىن دجۋليا روبەرتس سومداعان «ۇيگە ورالۋ» تەلەحيكاياسى بەسىنشى ورىنعا تۇراقتادى.

ۇزدىك وندىق قاتارىنا «شىعىنىمىزعا قابىرعام قايىسادى»، «ناركو: مەكسيكا»، «وققاعار»، «قارا نايزاعاي» اتتى فيلمدەر كىرگەن.