جۋرناليست ليليت ماركۋس جەلىدە سۋپەرماركەتتە جۇرگەن ەر ادامنىڭ سۋرەتىن جاريالادى. وندا ەر ادامنىڭ ريۋكزاگىنا قاعاز جاپسىرىپ العانى بايقالادى. قاعازدا ول «ايەلىمە بۇيرەك كەرەك. ۆ (ءۇشىنشى قالىپتى قان توبى - رەد. ) » دەپ جازىپ قويعان. سونىمەن قاتار تەلەفون ءنومىرىن كورسەتىپتى، دەپ جازادى CNN سايتى.
ارادا بىرنەشە ساعات وتكەننەن كەيىن سۋرەتتى بىرنەشە مىڭ قولدانۋشى بولىسكەن. ولاردىڭ ىشىندە اكتەرلەر زاك برافف، ەۆان رەيچەل ۆۋد، سارا حايلەند، تەننيسشى مارتينا ناۆراتيلوۆا بار.
انىقتالعانداي، سۋرەتتەگى ەر ادام رەيموند تومپسون ەسىمدى ازامات بولىپ شىقتى . ول ايەلى جانە 4 جاسار قىزىمەن بىرگە برۋكليندە تۇرادى ەكەن. ەكى جىل بۇرىن ايەلىنىڭ بۇيرەگى اۋىراتىنى انىقتالىپتى.
تومپسونعا الەم بويىنشا كوپتەگەن ادام حابارلاسىپ، كومەك قولىن ۇسىنعاندا، ول تاڭدانىپ قالىپتى. ارتىنشا ايەلىنە بۇيرەگىن بەرەتىن ادام تابىلدى.
دەسە دە وتاعاسى ەشكىمنەن اقشا المايتىنىن ايتتى. وتباسى وتاعا قاجەتتى شىعىننىڭ بارلىعىن مەديتسينالىق ساقتاندىرۋ ارقىلى جابۋدى جوسپارلاپ وتىر.
ءوز كەزەگىندە جۋرناليست ليليت ماركۋس بۇل وقيعانىڭ ءوز ءومىرىن دە وزگەرتكەنىن مويىندادى. وسى جايتتان كەيىن ول سۇيەك كەمىگىنىڭ دونورى بولۋدى ۇيعارىپ، قان تاپسىرا باستاعان.