دوللار باعامى قالاي قۇبىلۋى مۇمكىن - تيمۋر سۇلەيمەنوۆ جاۋاپ بەردى
«ماكروەكونوميكالىق تۇرعىدا كوپ جاعداي فەدەرالدى رەزەرۆتى جۇيەسى (ف ر ج ) ستاۆكاسىنىڭ وسىمىنە بايلانىستى ەكەنىن بۇرىن دا ايتقان بولاتىنبىز. ا ق ش- تىڭ جۇرگىزىپ وتىرعان ساياساتىنىڭ ءوزى امەريكالىق قۇزىرەتتىڭ، قۇندى قاعازدارىنىڭ ينۆەستيتسيالىق تارتىمدىلىعىنىڭ كۇشەيۋىنە ىقپال ەتەدى. دەمەك، ىقپال ارقىلى دوللار وسسە قالعانى (ۆاليۋتالار - اۆت. ) قۇلايدى. نەگىزگىسى وسى» ، - دەدى تيمۋر سۇلەيمەنوۆ ۇكىمەت وتىرىسىنان كەيىن تىلشىلەردىڭ سۇراعىنا جاۋاپ بەرە وتىرىپ.
ءمينيستردىڭ ايتۋىنشا، قازىر «قارا التىننىڭ» باعاسى تۇراقتى ەمەس. قۇنى بىردە شارىقتاپ، بىردە تومەندەپ تۇر.
«تيىسىنشە، بۇل تەڭگە باعامىنا اسەر ەتپەي قويمايدى» ، - دەيدى ول.
مينيسترگە وسى كەزدە «دوللار قۇنى الداعى ۋاقىتتا 400 تەڭگەگە جەتۋى مۇمكىن بە؟ » دەگەن سۇراق قويىلدى.
«ەڭ دۇرىسى، بۇل سۇراقتى ۇلتتىق بانككە قويۋ كەرەك. بىزدە وزدەرىڭىز بىلەتىندەي، كەلەسى جىلعى الەۋمەتتىك- ەكونوميكالىق دامۋ بولجامى بويىنشا باعا 370 تەڭگە دەڭگەيىندە قالۋ كەرەك» ، - دەدى مينيستر.