بۇگىنگى ۇكىمەت وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ 1- قاڭتاردان باستاپ كوممۋنالدىق تاريفتەردىڭ تومەندەيتىنىنە بايلانىستى بايانداما جاسادى.
«پ ي ك، قوقىس شىعارۋ، ليفت قىزمەتتەرىنە تاريفتەردى تومەندەتۋگە قاتىستى تاپسىرماڭىزدى ورىنداۋ ءۇشىن بۇگىنگى تاڭدا وسى قىزمەتتەر بويىنشا تاريفتەر بارلىق وڭىرلەردە تومەندەتىلدى. باعالار مىناداي كورىنىس تابادى: پ ي ك قىزمەتتەرىنە 2,2 پايىزدان 20 پايىزعا دەيىن، قوقىس شىعارۋ قىزمەتتەرىنە 1-24,7 پايىزعا دەيىن، ليفت قىزمەتتەرىنە 3-50 پايىزعا دەيىن (...) سونىمەن قاتار، مينيسترلىك «قاز ترانس گاز» ا ق- پەن بىرلەسىپ، قوسىمشا تالداۋ نەگىزىندە اتىراۋ جانە قىزىلوردا حالقى ءۇشىن گازعا بولشەك ساۋدا باعالارىن تومەندەتۋ بويىنشا ۋاعدالاستىققا قول جەتكىزدى. تاپسىرمالارىڭىز ورىندالدى»، - دەدى تيمۋر سۇلەيمەنوۆ.
ءمينيستردىڭ بايانداماسىن تىڭداعان ۇكىمەت باسشىسى «ياعني، بارلىق وبلىستاردا تاريفتەر تومەندەدى مە؟» دەپ سۇرادى.
«بارلىق ايماقتا تومەندەتتىك»، - دەدى ۇلتتىق ەكونوميكا ءمينيسترى.
باقىتجان ساعىنتايەۆ وسىدان كەيىن 1- قاڭتاردان باستاپ جاۋاپتى ورگانداردىڭ بارىنە تاريفتەردىڭ ماسەلەسىن باقىلاۋعا الۋدى سۇرادى.
«وسى باعىتتا جۇمىستى ارى قاراي جالعاستىراتىن بولامىز. كەلەسى جىلى، تيمۋر مۇرات ۇلى، ۇلتتىق بانكپەن بىرگە الداعى جىلعى ينفلياتسيانىڭ ءدالىزىن قاراعان كەزدە تابيعي مونوپوليالاردىڭ سۋبەكتىلەرىنىڭ ۇلەس سالماعىن انىقتاۋىمىز قاجەت»، - دەدى باقىتجان ساعىنتايەۆ.
ۇكىمەت باسشىسى ءسوز سوڭىندا بۇگىنگى ۇكىمەت وتىرىسى بيىلعى جىلى سوڭعى بولعاندىقتان، ارىپتەستەرىنىڭ بارلىعىن كەلە جاتقان جاڭا جىل مەرەكەسىمەن قۇتتىقتادى.
«بيىلعى جىلدى تابىستى اياقتاپ، ەلباسى مىندەتتەگەن بارلىق مىندەتتەردى ابىرويمەن ورىنداۋ ءۇشىن ءبىز بار كۇش-جىگەرىمىزدى سالدىق دەپ ەسەپتەيمىن. ەلباسى ءوزىنىڭ ب ا ق- قا بەرگەن سۇحباتىندا جىلدى 4 پايىزدىق وسىممەن اياقتاۋ مۇمكىندىگىمىز بارىن ايتىپ ءوتتى. 11 ايدىڭ قورىتىندىسى بويىنشا 4,1 پايىزدىق قورىتىندىمەن اياقتادىق.
كوپتەگەن جۇمىس اتقارىلدى. سوندىقتان، ۇكىمەت مۇشەلەرىنە، اكىمدەرگە، حولدينگتەر مەن كومپانيا باسشىلارىنا، قوعامدىق ۇيىم باسشىلارى، ءبىزدىڭ جۇمىسىمىزدى جەتكىزۋدە بەلسەندى جۇمىس اتقارعان بۇقارالىق اقپارات قۇرالدارىنا العىسىمدى بىلدىرەمىن. جاڭا 2019-جىلى بارشامىزعا تابىس، زور دەنساۋلىق، وتباسىلارىڭىزعا جاقسىلىق اكەلسىن»، - دەپ ءسوزىن تۇيىندەدى پرەمەر-مينيستر.