دوپينگ داۋىنا ىلىنگەن بالۋاننىڭ ماسەلەسى جونىندە قازاق كۇرەسى فەدەراتسياسىنىڭ پرەزيدەنتى مالىمدەمە جاسادى دەپ جازادى prosports.kz.
«فەدەراتسيا ۇنەمى دوپينگپەن كۇرەسەدى. «قازاقستان بارىسىنىڭ» جەڭىمپازدارى WADA دوپينگ سىناعىنان وتكەن جاعدايدا عانا، سىياقىلارىن الادى. 2017-جىلى، باسقا كەزدەرى دە سولاي بولىپ كەلەدى»، - دەدى ارمان شورايەۆ.
ونىڭ مالىمدەۋىنشە، دوپينگكە بايلانىستى سپورتشىلاردىڭ جارىسقا بارماي قالعان كەزدەرى دە بولدى.
«ەلامان ەرعاليەۆ 2017-جىلى باس تۋرنيردە ادال جەڭىسكە جەتكەن بولاتىن. ەشقانداي دوپينگ انىقتالعان جوق، ول وزىنە تيەسىلى سىياقىسىن الدى. بۇگىنگى جاعدايعا وراي، مىنانى ناقتى ايتا الامىن. 2018-جىلدىڭ قاراشا ايىندا دوپينگتىڭ تابىلۋى سپورتشىنىڭ بۇرىنعى ەڭبەكتەرىن جوققا شىعارىپ، جەتكەن جەتىستىكتەرىن جويمايدى. الدا وتەتىن دودالارعا جىبەرىلمەۋ نەمەسە شەتتەتىلۋ جونىندەگى شەشىمدى فەدەراتسيانىڭ اتقارۋشى كوميتەتى قابىلدايتىن بولادى»، - دەدى ول.
ەستەرىڭىزگە سالا كەتەيىك، وسىدان ەكى كۇن بۇرىن «قازاقستان بارىسى-2017» جەڭىمپازى دوپينگپەن ۇستالعان بولاتىن.