اگەنتتىكتىڭ حابارلاۋىنشا، ءولىم جازاسىنا كەسىلگەندەردىڭ ەسىمى قۇپيا ساقتالىپ وتىر. جازا بەيسەنبى كۇنى تاڭەرتەڭ جاپونيا ادىلەت ءمينيسترى تاكاسي ياماسيتانىڭ بۇيرىعىمەن ورىندالعان.
ايتا كەتەر بولساق، سوڭعى رەت ەلدە جوعارى جازا شىلدە ايىندا قولدانىلعان. سول كەزدە زاڭمەن تىيىم سالىنعان «اۋم سينريكيە» سەكتاسىنىڭ بۇرىنعى التى باسشىسى ءولىم جازاسىنا كەسىلگەن ەدى.
قازىر جاپونيادا جۇزدەن استام ادام ءولىم جازاسىن كۇتىپ جاتىر. ادەتتە، ەلدە ءولىم جازاسى دارعا اسۋ تۇرىندە، سوت ۇكىمى شىققاننان كەيىن بىرنەشە جىلدان سوڭ ورىندالادى.
مۇنداي جازاعا كەسىلگەن ادام ءولىمىن جىلدار بويى كۇتۋى مۇمكىن، ءبىراق دارعا اسىلاتىنىن تەك سول كۇنى تاڭەرتەڭ عانا بىلە الادى.