بۇل تۋرالى وڭىرلىك كومۋنيكاتسيالار قىزمەتىندە وتكەن بريفينگتە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى تۇركىستان وبلىسى بويىنشا دەپارتامەنتىنىڭ باسشىسى عالىم تۇرسىنبايەۆ ايتتى، دەپ حابارلايدى قازاقپارات ءتىلشىسى.
عالىم تۇرسىنبايەۆتىڭ سوزىنشە، مەملەكەتتىك قىزمەتكەرلەرگە نەگىزىنەن كادەسىيلار بەرىلەتىنى انىقتالعان. ەگەر الىنعان سىيلىقتىڭ قۇنى 4810 تەڭگەدەن اساتىن شەنەۋنىكتەر ول ءۇشىن 1 ميلليون 400 مىڭ تەڭگەدەن استام ايىپپۇل تولەيدى. ال، ەكى ايلىق ەسەپتىك كورسەتكىشتەن اسسا، وندا 15 جىلعا دەيىن باس بوستاندىعىنان ايىرىلۋى مۇمكىن.
دەپارتامەنت باسشىسى سونىمەن قاتار مەملەكەتتىك قىزمەتكەرلەردىڭ جۇمىس ۋاقىتى اياقتالعان ۋاقىتتا جانە مەرەكە كۇندەرى قىزمەت ورنىندا بولاتىندارىن انىقتاعان.
«تەكسەرۋ بارىسى مەملەكەتتىك قىزمەتكەرلەردىڭ دەمالىس جانە مەرەكە كۇندەرى، كەشكى جەتىدەن كەيىن جۇمىستا قالىپ وتىراتىندىعىن كورسەتتى. سونىڭ ىشىندە سايرام، وتىرار، بايدىبەك جانە ماقتارال اۋداندارىنداعى مەملەكەتتىك قىزمەتشىلەردىڭ 25 پايىزىندا وسىنداي انىقتالعان. كەيبىر مەملەكەتتىك مەكەمەلەردىڭ 40 پايىزعا جۋىق قىزمەتكەرلەرى جۇمىستان تىس ۋاقىتىندا جۇمىستا وتىراتىنىن كورسەتىپ وتىر»، - دەدى عالىم تۇرسىنبايەۆ.
اۆتور: اينۇر اقبايەۆا