ق ر ۇلتتىق ەكونوميكا ءمينيسترى تيمۋر سۇلەيمەنوۆتىڭ ايتۋىنشا، الەۋمەتتىك ماڭىزى بار تاۋارلاردىڭ باعاسى ءبىر اپتانىڭ ىشىندە 0,3 پروتسەنتكە ءوستى. سونىڭ ىشىندە قىرىققابات پەن قانتتىڭ شەكتى باعاسى بارلىق ايماقتاردا 15 پروتسەنتكە كوتەرىلدى.
«بۇگىندە باعالاردى ۇستاپ تۇراتىن ارنايى كوميسسيالار بار. ءبىراق جەرگىلىكتى جەردە اتالعان مەحانيزمدى تولىققاندى قولدانبايدى. ەندى قانت بويىنشا وبەكتيۆتى سەبەپتەر بار. الەم نارىعىندا قانتتىڭ باعاسى ءوسىپ وتىر. ال قىرىققابات بويىنشا جاعداي وزگەشە. ونى اكىمدىكتەر وزدەرى شەشە الادى. سوندىقتان باعانىڭ شەكتى ماندەرىن بەلگىلەپ، ءتيىستى باقىلاۋ شارالارىن جۇرگىزۋ كەرەك. الايدا ءبىر دە ءبىر اكىمدىك شەكتى ماندەردى بەكىتكەن جوق. بۇل 2019 -جىلى ءبىرىنشى توقساندا الەۋمەتتىك ماڭىزى بار ازىق- تۇلىك تاۋارلارىنىڭ باعاسىنا كەرى اسەرىن تيگىزۋى مۇمكىن»، - دەدى ت. سۇلەيمەنوۆ.
ءمينيستردىڭ سوزىنە قاراعاندا، كوميسسيا شەشىمدەرىن قاتاڭ باقىلاپ وتىرۋ قاجەت. بۇدان بولەك، اكىمدىكتەر جىل سوڭىنا دەيىن 2019-دىڭ شەكتى ماندەرىن بەكىتۋى ءتيىس. كاسىپكەرلەر اراسىندا ءتۇسىندىرۋ جۇمىستارىن دا جۇرگىزگەن ءجون.
ق ر پرەمەر-ءمينيسترى باقىتجان ساعىنتايەۆ تا ازىق-تۇلىكتىڭ قىمباتتاپ كەتكەنىن بايقاپ وتىر.
«نەگىزىنەن، ءبىز سوڭعى ءبىر اي بويى وسى جونىندە ايتىپ كەلە جاتىرمىز. ءبىراق قىرىققابات پەن قانتقا قاتىستى وبەكتيۆتى سەبەپتەر بار. قالعانداردىڭ باعاسى نەگىزسىز ءوسىپ وتىر. قورلاردا قارجى بار، تۇراقتاندىرۋ قورلارىندا ازىق- تۇلىك جەتكىلىكتى. ءبارى بار بولسا، باعا نەگە وسەدى؟ سەبەبى سىزدەردىڭ تاراپىڭىزدان باقىلاۋ جوق. قازىر قيار مەن قىزاناقتىڭ باعاسى شارىقتاپ كەتتى. وعان قاراپ جاتقان ەشكىم جوق. باقىلاۋعا الىڭىزدار!»، - دەدى ب. ساعىنتايەۆ.