ۇكىمەتتىڭ بۇگىنگى وتىرىسىندا كەلەسى جىلدان باستاپ بارلىق كوممۋنالدىق تاريفتەردى تومەندەتۋ ماسەلەسى قارالدى.
ق ر ۇلتتىق ەكونوميكا ءمينيسترى تيمۋر سۇلەيمەنوۆتىڭ ايتۋىنشا، قازىردىڭ وزىندە ءبىرقاتار وبلىستاردا تاريفتەر تومەندەپ وتىر. ال كەلەسى جىلدان باستاپ بارلىق ايماقتاردا كوممۋنالدىق قىزمەتتەر ارزاندايدى. الايدا اتىراۋ مەن قىزىلوردا وبلىستارىندا گازدىڭ باعاسى تومەندەمەيدى. سەبەبى اتىراۋدا گازدىڭ تاريفتەرى ونسىز دا تومەن، ال قىزىلوردادا بارلىق ينۆەستيتسيالىق باعدارلامالار ورىندالدى. سول سەبەپتى تاريفتەردى تومەندەتۋگە رەزەرۆ جوق. الايدا ۇكىمەت باسشىسى باقىتجان ساعىنتايەۆ ونداي ۋاجبەن كەلىسپەدى.
«سىزدەر ول جاقتا ونسىز دا تاريف تومەن دەيسىزدەر. ماسەلە وندا ەمەس. مەملەكەت باسشىسى ناقتى تاپسىرما بەردى. ەندى، حالىق وسى تاپسىرمانىڭ ورىندالعانىن كۇتپەي مە؟ پيك تاريفتەرى بار، باسقا دا كوممۋنالدىق قىزمەتتەر بار. اكىمدىكتەر ناقتى شەشىم شىعارماسا، پرەزيدەنتتىڭ تاپسىرماسىن ورىندامادى دەۋگە بولادى. بۇنى قالاي تۇسىنۋگە بولادى؟ ءبىر سوزبەن ايتقاندا مونوپوليستەردىڭ جەتەگىندە كەتتىڭىزدەر»، - دەدى ب. ساعىنتايەۆ.
ۇكىمەت باسشىسى جىلدىڭ اياعىنا دەيىن ءتيىستى شەشىمدەردى شىعارۋدى تاپسىردى. ال اكىمدەر اتقارىلعان جۇمىستار بويىنشا ەسەپ بەرەتىن بولادى. «29 -جەلتوقساندا ۇكىمەتتىڭ تاعى ءبىر وتىرىسىن وتكىزەمىز. سول وتىرىستا بۇگىن كورسەتىلگەن تابليتسالاردا كىمدە شەشىم جوق، سول اكىمدەر بايانداما جاساسىن»، - دەپ اتاپ كورسەتتى ب. ساعىنتايەۆ.
ايتا كەتەيىك، جاقىندا ق ر ۇلتتىق ەكونوميكا مينيسترلىگى كوممۋنالدىق تاريفتەردىڭ تومەندەۋىنە قاتىستى ناقتى ەسەپتى جاريالادى. وسى ورايدا ۆيتسە-مينيستر س. جۇمانعارين ەكى بولمەلى پاتەر ءۇشىن كوممۋنالدىق تاريفتەردىڭ قالايشا وزگەرەتىنىن مىسالمەن كورسەتتى. بۇدان بولەك، مينيسترلىك ەكى وبلىستا گازدىڭ ارزانداماۋىنا قاتىستى تۇسىنىكتەمە بەردى.