بۇل تۋرالى primeminister.kz حابارلايدى.
كەڭەسكە سەلەكتورلىق رەجيمدە مينيسترلەر، وڭىرلەردىڭ اكىمدەرى، سونداي- اق ىشكى ىستەر مينيسترلىگىنىڭ جانە پوليتسيانىڭ اۋماقتىق دەپارتامەنتتەرىنىڭ باسشىلار قۇرامى قاتىستى.
ىشكى ىستەر ءمينيسترى قالمۇحانبەت قاسىموۆ ەلىمىزدەگى كريمينوگەندىك جاعداي، ۇرلىقتارعا قارسى قابىلدانىپ جاتقان ءىس- قيمىل شارالارى، تۇرمىستىق زورلىق- زومبىلىقتىڭ جانە كامەلەت جاسىنا تولماعاندار اراسىندا قىلمىستىلىقتىڭ الدىن الۋ، سونداي- اق قوعامدىق ءتارتىپتى ساقتاۋ جانە جول قاۋىپسىزدىگىن قامتاماسىز ەتۋ ماسەلەلەرى تۋرالى باياندادى.
پرەزيدەنتتىڭ قازاقستان حالقىنا ارناعان «قازاقستاندىقتاردىڭ ءال- اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىنىڭ نەگىزىندەگى مىندەتتەر مەن قازاقستان رەسپۋبليكاسىنىڭ 2019-2021 ج ج. ارنالعان ىشكى ىستەر ورگاندارىن جاڭعىرتۋ جونىندەگى جول كارتاسىنىڭ ءىس جۇزىنە اسىرىلۋى بويىنشا شارالار تالقىلاندى.
سونىمەن قاتار، قۇقىق بۇزۋشىلىقتاردىڭ الدىن- الۋ، قىلمىسپەن كۇرەس جانە قوعامدىق ءتارتىپتى ساقتاۋ بويىنشا قابىلدانىپ جاتقان شارالار، حالىققا كورسەتىلەتىن مەملەكەتتىك قىزمەتتەر ساپاسىن ارتتىرۋ، تۇرعىنداردى تىركەۋ، اكىمشىلىك جانە قىلمىستىق- پروتسەسسۋالدىق قىزمەتتەردى سيفرلاندىرۋدى ەنگىزۋ، جەكە قۇرام اراسىندا ءتارتىپ پەن زاڭدىلىقتى نىعايتۋ بويىنشا كوميسسيا قىزمەتىنىڭ ماسەلەلەرى جونىندە وڭىرلەردىڭ اكىمدەرى مەن پوليتسيا دەپارتامەنتتەرىنىڭ باسشىلارى تىڭدالدى.
ۋچاسكەلىك پوليتسيا ينسپەكتورلارىنىڭ ءرولىن ارتتىرۋعا، تۇرعىن ۇيمەن جاپسارلاس ۋچاسكەلىك پوليتسيا پۋنكتتەرىن سالۋعا، مەكتەپ ينسپەكتورلارىنىڭ ينستيتۋتىن ودان ءارى دامىتۋعا ەرەكشە كوڭىل ءبولىندى.