تابيعي اپاتتتارعا قارسى كۇرەس اگەنتتىگىنىڭ وكىلى سۋتوپو پۋرۆو نۋگروحونىڭ مالىمدەۋىنشە، تاعى 843 ادام جاراقاتتانعان، 30 ى ءىز-ءتۇزسىز جوعالعاندار تىزىمىندە. جۇزدەگەن ۇيلەر قيراعان.
سۋنامي انات-كاراكاتاۋ جانارتاۋى اتقىلاعاننان كەيىن سۋاستى كوشكىنى سالدارىنان بولدى دەگەن بولجام بار.
تابيعي اپاتتارمەن كۇرەس اگەنتتىگىنىڭ وكىلى جاريالاعان كادرلاردان سۋناميدىڭ زارداپتارىن كورۋگە بولادى - كوشەلەردى سۋ باسىپ، كولىكتەر اۋدارىلعان.
يندونەزيا گەولوگيالىق قىزمەتى حابارلاعانداي، جۇما كۇنى جانارتاۋ 2 مينۋت 12 سەكۋند اتقىلاعان، ال ونىڭ كۇلى 400 مەتر بيىكتىككە جەتكەن.
الەۋمەتتىك جەلىلەردە Seventeen جەرگىلىكتى روك توبى ءان ايتىپ تۇرعان جاعالاۋدا تولقىننىڭ مۋزىكانتتاردى ساحنادان شايىپ اكەتكەنى تۇسىرىلگەن ۆيدەو جاريالاندى.
كەيىن توپتىڭ ۆوكاليسى ينستاگرامعا ۆيدەو جاريالاپ، وندا توپتىڭ باسيسى، گيتاريسى جانە گاسترولدىك مەنەدجەرىنىڭ قازا تاپقانىن مالىمدەدى، ال توپتىڭ باسقا ەكى مۇشەسى مەن ونىڭ جۇبايى جوعالىپ كەتكەن.
ەسكە سالايىق، سۋنامي جاكارتا ۋاقىتىمەن 23 -جەلتوقساندا 21.27-دە بولعان. ونىڭ سالدارىنان بانتەن پروۆينسياسىنداعى پاندەگلانگ وكرۋگى زارداپ شەككەن.
زوند بۇعازى ياۆا جانە سۋماترا ارالدارىن ءبولىپ تۇر.