بۇعان دەيىن كاسىبي بوكستا توعىز كەزدەسۋ وتكىزىپ، سونىڭ جەتەۋىن نوكاۋتپەن اياقتاعان اتىراۋلىق ايدوستىڭ قارسىلاسى دا وسال ەمەس ەدى.
ي. اچەرگۋي بۇعان دەيىن 12 جەڭىسكە جەتسە، ۇشەۋىندە ۇتىلىپ، بىرەۋىندە تەڭ تۇسكەن ەكەن.
كەزدەسۋ بارىسىندا ايدوس ەسەسىن جىبەرمەي، ونىڭ دا سوققىلارى ءدوپ ءتيىپ جاتتى. دەگەنمەن ءتورتىنشى راۋندتا رەفەري ا. ەربوسىن ۇلى نوكداۋنعا ءتۇسىپ قالدى دەپ ەسەپ اشتى. الايدا بۇدان كەيىن يىعىنان جاراقات العان بەلگيالىق بوكسشى كەزدەسۋدى جالعاستىرۋدان باس تارتتى.
وسىلايشا 27 جاسار ايدوس ەربوسىن ۇلى ونىنشى جەڭىسىنە قول جەتكىزىپ، WBO GLOBAL تيتۋلىن جەڭىپ الدى.
ەسكە سالا كەتەيىك، بۇدان بۇرىن قازاقستاندىق بوكسشىلاردىڭ تيتۋلدىق ايقاستارى وتەتىنىن جازعان بولاتىنبىز.