ن. ا. ريمسكي- كورساكوۆ اتىنداعى وپەرا انشىلەرىنىڭ 11 حالىقارالىق بايقاۋى ر ف لەنينگراد وبلىسى تيحۆين قالاسىندا اياقتالدى.
ول العاشقىدا سانكت- پەتەربۋرگتە ءوتۋى ءتيىس ەدى، الايدا ۇيىمداستىرۋ كوميتەتى ونى ن. ا. ريمسكي- كورساكوۆتىڭ تۋعان جەرى - تيحۆين قالاسىنا ارنايى اۋىستىرعان. كونكۋرستىڭ اقتىق كەزەڭى كومپوزيتوردىڭ ەسىمى بەرىلگەن مادەنيەت سارايىندا ءوتتى.
بيىل كونكۋرسقا قاتىسۋعا 12 ەلدەن 150 ءوتىنىم تۇسكەن. وتانداسىمىز، اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ جەتەكشى سوليسى ەميل ساكاۆوۆ 2-جۇلدەگە (ەكىنشى ورىن) يە بولدى. سونداي-اق، اتالمىش تەاتردىڭ كونسەرتمەيستەرى مارينا التۋحوۆا لەنينگراد وبلىستىق مادەنيەت كوميتەتىنىڭ العىس حاتىن يەلەندى.
ەميل ساكاۆوۆ - قازاقستان، رەسەي، بەلارۋس جانە ەۋروپا ەلدەرىندە وتكەن 10 حالىقارالىق كونكۋرستىڭ جەڭىمپازى (لاۋرەات)، قازاقستان پرەزيدەنتى ن. نازاربايەۆ اتىنداعى ماگيسترلىك ستيپەنديا يەگەرى.