تۋرنيرگە وليپيادالىق سالماق دارەجەسىندەگى سپورتشىلار عانا قاتىسا الادى.
109 كەلىگە دەيىنگى سالماقتاعى سپورتشىلار سىنعا ءتۇسىپ جاتىر. وندا قازاقستان اتىنان الەمنىڭ ءتورت دۇركىن چەمپيونى يليا يلين باق سىناۋدا. وتانداسىمىز بارلىق قاتىسۋشىلار اراسىنداعى ەڭ ۇلكەن سالماققا تاپسىرىس بەرگەنىمەن، ءوزى تۇعىرعا كوتەرىلگەن جوق. اۋىر اتلەتتىڭ نەگە بۇلاي ىستەگەنىن ەشكىم بىلمەيدى.
يلين جۇلقا كوتەرۋدە 180 كەلىنى كوتەرەم دەگەن، بۇل - قارسىلاستار ىشىندەگى ەڭ اۋىر سالماق، ال سەرپە كوتەرۋدە 215 كەلى دەپ كورسەتتى. ۋكراينالىق دميتري چۋماك تا وسى سالماققا تاپسىرىس بەرگەن بولاتىن.