كەشتىڭ ايتۋلى جەكپە-جەكتەرىنىڭ ءبىرى 69,9 كەلى سالماقتاعى قازاقستاندىق بەيبىت نازاروۆ (14-3) پەن ا ق ش- تان كەلگەن مارتين براۋننىڭ (12-5) ايقاسى ەدى. سپورت كومەنتاتورلارى وتە كۇردەلى ايقاس دەپ باعا بەرگەن جەكپە-جەك 5 راۋندقا، ياعني 25 مينۋتقا سوزىلدى. جان الىسىپ، جان بەرىسكەن ايقاستا بەيبىت نازاروۆ تورەشىلەردىڭ شەشىمىمەن جەڭىلىس تاپتى.
ايتا كەتسەك، اتالمىش تۋرنير اياسىندا بىرنەشە جەكپە-جەك وتكىزىلگەن بولاتىن. ونىڭ ەكەۋىندە «TITAN FC» تۇجىرىمى بويىنشا الەم چەمپيوندارىنىڭ بەلدىگى ساراپقا سالىنعان. تۋرنيرگە الەمنىڭ 18 مەملەكەتىنەن، اتاپ ايتقاندا قازاقستان، ا ق ش، كولۋمبيا، قىتاي، برازيليا، ازەربايجان، قىرعىزستان، گەرمانيا، يامايكا، گوللانديا جانە رەسەي ەلدەرىنەن سپورتشىلار قاتىستى. «الماتى ارەنادا» وتكەن تۋرنيردىڭ ۇيىمداستىرۋشىلارى - حالىقارالىق «Titan FC» ۇيىمى مەن «Alem fighters» سپورت كلۋبى.
اتالعان ءىس-شارانى ا ق ش- تىڭ «UFC FIGHT PASS» ارناسى ارقىلى الەمنىڭ 150 ەلىنە تىكەلەي ەفيردەن تاراتىلىپ، قازاقستان مەن ت م د- نىڭ جەرگىلىكتى ارنالارىندا دا تىكەلەي ەفيردەن كورسەتىلدى.