ول پرەزيدەنت دونالد ترامپقا جولداعان ءوزىن وتستاۆكاعا جىبەرۋ جونىندەگى وتىنىشىندە قىزمەتىنەن كەتۋ شەشىمىنە ءبىرقاتار ماسەلە بويىنشا كەلىسپەۋشىلىك سەبەپ بولعانىن ايتادى.
مەتتيس ا ق ش- تىڭ وداقتاستارىمەن بەلسەندى ءوزارا ءىس-قيمىل جۇرگىزگەنىن جانە رەسەي مەن قىتاي سياقتى ەلدەرگە قارسى ارەكەتىن جاقتايتىنىن ايتادى. ول رەسەي مەن قىتاي الەمدىك ءتارتىپتى ءوز ۇستانىمدارىنا ساي، كورشى ەلدەردىڭ ىشكى ىسىنە كيلىگۋ ارقىلى قايتا قۇرۋعا تالپىنىپ جاتىر دەيدى. پەنتاگون باسشىسىنىڭ پىكىرىنشە، ا ق ش رەسەي مەن قىتايدىڭ بۇل ءىس-ارەكەتىنە قارسى تۇراتىن وداقتى كۇشەيتۋ ءۇشىن قولدا بار كۇش-قۋاتىن پايدالانۋى قاجەت.
«ءسىزدىڭ وسى جانە باسقا دا ماسەلەلەر بويىنشا كوزقاراسى وزىڭىزدىكىمەن بىردەي مينيستر ۇستاۋعا حاقىڭىز بار بولعاندىقتان، مەن قىزمەتىمنەن كەتكەنىم ءجون بولار دەگەن شەشىمگە كەلدىم» دەپ جازدى مەتتيس. پەنتاگون باسشىسى 2019-جىلدىڭ 28- اقپانىندا قىزمەتىنەن كەتەدى.
پرەزيدەنت دونالد ترامپ Twitter- دە دجەيمس مەتتيستىڭ وتستاۆكاعا كەتەتىنىن راستاپ، وعان قورعانىس مينيسترلىگىن باسقارعان ەكى جىلداعى پەنتاگوننىڭ جەتىستىگى ءۇشىن العىس ءبىلدىردى.
ترامپ جاڭا قورعانىس ءمينيسترى بولاتىن ادامدى تاياۋدا جاريالايتىنىن ايتتى.
19- جەلتوقسان كۇنى دونالد ترامپ الداعى ەكى ايدا ا ق ش اسكەرى سيريادان شىعارىلاتىنىن جاريالاعان. ونىڭ بۇل شەشىمىن ا ق ش- تىڭ وداقتاستارى دا، ا ق ش كونگرەسى دە سىنادى. دجەيمس مەتتيس سيريادان ءدال قازىر ا ق ش اسكەرىن شىعارۋعا قارسى بولعان.
«ازاتتىق»