ۇلتتىق ەكونوميكا ۆيتسە-ءمينيسترى سەرىك جۇمانعاريننىڭ ايتۋىنشا، اعىمداعى جىلى 20- جەلتوقسانعا دەيىن ءبىرقاتار وڭىرلەردە كوممۋنالدىق تاريفتەر تومەندەتىلدى.
«ماسەلەن، اقمولا وبلىسىندا جىلۋدىڭ باعاسى ءبىر شارشى مەترى ءۇشىن 116,1 تەڭگەدەن 73,4 تەڭگەگە (36,8 پروتسەنكە) ءتۇستى. سول سياقتى جامبىل وبلىسىندا سۋمەن جابدىقتاۋدىڭ قۇنى ءبىر تەكشە مەترى ءۇشىن 52,3 تەڭگەدەن 40,8 تەڭگەگە (22 پروتسەنتكە) ارزاندادى. بۇدان بولەك، ەلەكترەنەرگيا، گاز بەن سۋدى بۇرۋ قىزمەتتەرىدە ءبىرشاما تومەندەدى. ال كەلەسى جىلدان باستاپ بارلىق ايماقتاردىڭ تۇرعىندارى كوممۋنالدىق تاريفتەردىڭ ارزانداعانىن بايقايتىن بولادى. وسىلايشا، الماتى قالاسىندا ورتاشا اۋدانى 60 شارشى مەتردى قۇرايتىن ەكى بولمەلى پاتەردىڭ قازىرگى تولەماقىسى 14483 تەڭگە بولسا، كەلەسى جىلدان باستاپ اتالعان تولەم 13128 تەڭگەگە تومەندەيدى. ءسويتىپ، ءبىر ايدا 1353 تەڭگە ۇنەمدەلەدى. سول سياقتى استانادا قالاسىندا ەكى بولمەلى پاتەردىڭ كوممۋنالدىق تولەمدەرى 10666 تەڭگەدەن 9604 تەڭگەگە دەيىن تۇسەدى»، - دەدى س. جۇمانعارين ۇكىمەت ۇيىندە وتكەن باسپا ءسوز ءماسليحاتىندا.
ونىڭ سوزىنە قاراعاندا، شىمكەنت قالاسىندا ەكى پاتەردىڭ يەلەرى 1340 تەڭگەنى ۇنەمدەسە، اقتوبەنىڭ تۇرعىندارى 1068 تەڭگەنى وزدەرىنە قالدىرا الادى. وسكەمەندىكتەر - 313 تەڭگەنى، تارازدىقتار - 806 تەڭگەنى، ورالدىقتار - 1035 تەڭگەنى، قىزىلوردالىقتار - 865 تەڭگەنى، ال پەتروپاۆل قالاسىنىڭ تۇرعىندارى ەكى بولمەلى پاتەردىڭ كوممۋنالدىق قىزمەتتەرىن 383 تەڭگەگە از تولەيدى.