ديماشتىڭ كەلەسى جەكە كونسەرتى قاي قالادا وتەدى؟
10:41, 15 - جەلتوقسان 2018
استانا. قازاقپارات - ءانشى ديماش قۇدايبەرگەن كەلەسى جەكە كونسەرتى قاي قالادا وتەتىنىن جاريا ەتتى، دەپ حابارلايدى قازاقپارات ءتىلشىسى.
بۇل تۋرالى ءانشى ءوزىنىڭ ينستاگرام پاراقشاسىندا جازدى.
«ماسكەۋ. مەملەكەتتىك كرەمل سارايى. 22- ناۋرىزدا، رەسەيدەگى مەنىڭ جەكە كونسەرتىمدە كەزدەسكەنشە! جاقىن ارادا بيلەتتەر ساتىلا باستايدى»، - دەپ حابارلادى ءانشى.
ەسكە سالا كەتسەك، ديماشتىڭ جەكە كونسەرتى بۇدان بۇرىن لوندوندا وتكەن بولاتىن. مادەني شارانى ەلباسى نۇرسۇلتان نازاربايەۆتىڭ «رۋحاني جاڭعىرۋ» باعدارلاماسى اياسىندا ق ر مادەنيەت جانە سپورت مينيسترلىگى ۇيىمداستىرعان ەدى.