مەرەكە كۇندەرى استانالىق اۆتوبۋستار كۇشەيتىلگەن تارتىپتە جۇمىس ىستەيدى

اۆتوبۋستاردىڭ ينتەرۆالى 15 تەن 10 مينۋتقا دەيىن ازايادى، دەپ حابارلايدى قازاقپارات استانا قالاسى اكىمدىگىنىڭ رەسمي سايتىنا سىلتەمە جاساپ.

«بيىل قازاقستاندىقتار تاۋەلسىزدىك كۇنىنە وراي 4 كۇن دەمالادى. ەلوردا تۇرعىندارى ويىن- ساۋىق ورىندارىنا قاتىناۋى ءۇشىن قالالىق قوعامدىق كولىكتىڭ 20 دان استام باعدارى كۇشەيتىلگەن تارتىپتە جۇمىس ىستەمەك. اۆتوبۋستاردىڭ سانى كوبەيەدى. اتالعان باعدارلاردا ينتەرۆال 15 تەن 10 مينۋتقا دەيىن ازايادى»، - دەپ مالىمدەدى «استانا LRT»  ج ش س باسپا ءسوز قىزمەتى.

وسىلايشا، قىسقارتىلعان ينتەرۆالمەن كەلەسى قالالىق باعدارلار قاتىنايتىن بولادى: 2، 3، 4، 7، 8، 10، 12، 17، 18، 19، 22، 24، 33، 37، 39، 40، 47، 48، 51 ، 70، 71.