ەگىز بالالاردى تاربيەلەپ وتىرعان وتاندىق جۇلدىزدار كىمدەر؟
ولاردىڭ كەيبىرىنىڭ ۇل-قىزدارى بۇگىندە ەرجەتسە، ەندى بىرىنىكى ءالى دە بۇلدىرشىن. NUR. KZ نازارلارىڭىزعا قوس قۋانىشقا بولەنگەن ونەر يەلەرىنىڭ ءتىزىمىن ۇسىنادى.
دۇنيەگە ەگىز ۇلداردى اكەلگەن انالاردىڭ ءتىزىمىن ءانشى بەيبىت سەيدۋاليەۆا باستاپ تۇر. بەلگىلى ەسترادا جۇلدىزى توقتار سەرىكوۆكە ءالينۇر مەن ساعينۇر اتتى ەگىز ۇلداردى سىيلاعان ءانشى بيىلعى جىلى ءتورتىنشى مارتە انا اتانعان ەدى. جۇلدىزدى جۇپ كەنجەلەرىنە شاھنۇر دەگەن ەرەكشە ەسىم بەرگەن.
ال مۋزارتتىق كەنجەبەك ءجانابىلوۆتىڭ وتباسىندا وسىدان بىرنەشە جىل بۇرىن ەگىز قىزدار دۇنيەگە كەلگەن. ءانشىنىڭ كاريما جانە كاليما اتتى قوس قىزى دا بۇگىندە مەكتەپ وقۋشىلارى.
ەگىز قىزداردى تاربيەلەپ وتىرعان تاعى ءبىر ونەر يەسى - ينديرا راسىلحان. ادينا مەن دارينا ەسىمدى قوس بويجەتكەن بيىلعى جىلى مەكتەپ بىتىرگەن.
ەگىز قىزداردى تاربيەلەپ وتىرعان تاعى ءبىر ەسترادا جۇلدىزى «جەبە» توبىنىڭ بۇرىنعى ءانشىسى كوركەم سەيسەنبەك. كوركەم مەن ونىڭ جارى گۇلدانانىڭ شاڭىراعىندا ءامينا مەن فاتيما ەسىمدى بۇلدىرشىندەر تاربيەلەۋدە.
بەلگىلى تەلەجۇرگىزۋشى ارۋجان سايننىڭ دا سوفيا مەن ديانا ەسىمدى ەگىز قىزدارى بار. ءبىر سۇحباتىندا تەلەجۇرگۋزۋشى قىزدارىنىڭ فورتەپيانو، بالەت جانە تىگىن كۋرستارىنا باراتىنىن ايتقان بولاتىن.
ءانشى ءىنجۋ دە دە ەگىز قىزداردى تاربيەلەپ وتىرعاندىعىن كوپشىلىك بىلە بەرمەيدى. بۇگىندە ەسترادا جۇلدىزىنىڭ قىزدارى ءۇش جاستان اسقان.