قاپشاعايدا كۇن ەلەكتر ستانساسى سالىنىپ جاتىر
«قاپشاعاي ماڭىندا 400 گەكتار جەرگە وتاندىق كاسىپكەرلەر 150 مەگاۆاتت باتارەيالى ەڭ ءىرى كۇن ەلەكتر ستانساسىن سالىپ جاتىر. ونى 2019 -جىلدىڭ العاشقى توقسانىندا ىسكە قوسۋ جوسپارلانۋدا جانە العاشقى ۋاقىتتا 100 مەگاۆاتتىق باتارەيادان كۇن ەلەكتر قۋاتىن الىناتىن بولادى» ، - دەدى الماتى وبلىسىنىڭ اكىمى اماندىق باتالوۆ و ك ق- دە وتكەن باسپا ءسوز ءماسليحاتىندا.
سونىمەن قاتار، ءوڭىر باسشىسى الماتى وبلىسىنداعى «قورعاس - شىعىس قاقپاسى» ا ە ا- دا جالپى سوماسى 470 ميلليارد تەڭگەنى قۇرايتىن 12 جوبانىڭ جۇزەگە اسىرىلىپ جاتقانىن ايتتى.
«قورعاس - شىعىس قاقپاسى» ارنايى ەكونوميكالىق ايماعىندا قازاقستاندىق تاۋارلارعا، ونىڭ ىشىندە الماتى وبلىسى اۋماعىندا وندىرىلگەن ونىمدەرگە قىتايلىقتار تاراپىنان سۇرانىس جوعارى. بالمۇزداق پەن كونديتەر ونىمدەرى كوپ ساۋدالانادى» ، - دەدى ول.
ايتا كەتسەك، بۇعان دەيىن وبلىس اكىمى وڭىردە 32 مىڭنان استام جۇمىس ورنىنىڭ اشىلعانىن ايتقان بولاتىن.
سونىمەن قاتار، ا. باتالوۆ «7-20-25» تۇرعىن ءۇي يپوتەكالىق باعدارلاماسى بويىنشا وبلىستا 100 مىڭنان استام پاتەر بەرىلەتىنىن ءمالىم ەتكەن بولاتىن. ودان بولەك، الماتى وبلىسىندا بيىل جۇگەرى وندىرۋدەن رەكوردتىق ءونىم الىنعانىن حابارلاعان بولاتىنبىز.